Manatu o le Fa’atonu - Amio le-fufu’a e tatau ona mata’itu

16 February 2016, 12:00AM

Fa’aliliu  - Mata’afa Keni Lesa

Faaliliu e Ilia L Likou

 

O le toe fa’aleagaina ai o le fa’ailoilo e pei ona fa’ailoa ai le Sui Tauva a se tasi o Sui Tu Taulaga i Sasa’e o se fa’ailoga lea o le maualalo tele o le tulaga o lo’o ua tatou o’o atu nei i ai.

O se fa’ailoga e atagia mai ai le leai o se va fealoa’i, o le mataga aemaise o se tau fa’amata’u o lo’o ono tau foufou mai mo le atunu’u o Samoa.

O se galuega a se tagata po o ni tagata valea – e tatau ona a’oao’ina lelei ina ia aua le fa’aaogaina o latou tagata i ia faiga mataga, ae ao ina ia o latou fa’ailoa le fa’aaloalo aemaise le feavata’i e pei ona ua i ai Tulafono e ao ona mulimulita’ia e so’o se tagata lava.

O le mea moni lava afai o i ai se fa’aletonu o lo’o tula’i mai i le va ma le sui o lo’o fa’ailoa – po o le fa’ailoilo – o lo’o tele le avanoa e soalaupule tulaga nei  nai lo le tau fa’ailoa mai o nei uiga mataga e ta’uvalea ai le atunu’u.

O le a le tala o le a fai pe afai o i ai se sui tauva o lo’o i tua o nei mea, o le a se feau tatau ma le ta’ua o lo’o ta’u mai ai i a’i tatou nei tagata, afai o lo latou lea mau o le solia o le Tulafono, o le a se mea o lo’o ta’u mai o le a le mafai ona o latou le faia lea tulaga i totonu o le Palemene?

O le mea tonu lava e tatau ona galulue fa’atasi mo le taofia o uiga nei i totonu o Samoa. O nei uiga e le gata i na taufa’amata’u ma  solia ai o le Tulafono ma e le taitai ona o tatou mana’omia nei uiga.

O le vaiaso muamua na tulai mai ai lenei tulaga na ofoina ai e Faumuina Wayne Fong se taui mo so’o se tasi e na te silafia se na ia fa’atinoina lea vaega i se tasi o ana fa’ailoilo i Sinamoga.

 “O le fa’ailoilo lea ua ala ona tu i Sinamoga ona e to’atele palota olo’o lesitala mai i Sinamoga ma Moamoa.

 “Ia ae pe a ma le lima aso talu ona tu’u i luga ae fa’aleaga loa e le tagata, ma ua uma fo’i ona fa’atalanoa ma tu’uina mai le fa’atagana mai i le pulenu’u ma le Faipule a Faleata i Sasa’e aemaise le aiga e ona le fanau mo le fa’atuina ai o la’u fa’ailoilo.

Sa ia tu’uina atu lenei mataupu i leoleo aemaise le taui lea na ia ta’ua e fesoasoani ai i leoleo i la latou su’esu’ega.

I nai aso na toe suia ai le mafaufau o Faumuina.

 “Ua uma ona faia,” o lana tala mai lea i luga o le facebnook, fa’afetai ai i a Niko Caferelli ma le

“Ua ou manatu e toe tu’u i tua la’u tagi ae fa’amagalo atu i le na fa’atinoina lea tulaga ma aga’i pea i luma.

 “O lo’o tele ni atina’e e ao ona fa’atinoina aua le lelei o le Itumalo i se taimi vave lava.”

Ae peita’i o le Aso Sa, na toe tula’i mai ai fo’i lea tulaga. O se fa’anoanoaga tele lea i le sui tauva.

O le taimi lenei o lo’o ua i ai se pu tele i le fa’ailoilo ma se igoa o lo’o tusia ai i lalo o le “300” i lalo ifo o le fa’ailoilo ‘300’

Ina ua fesiligia Faumuina sa le mautala o ia.

 “E le tele sa’u tala, ae o le a fa’amagalo pea,” o lana tala mai lea.

Ua fa’alua la ona tula’i mai o lea tulaga, lea ua toe fa’amagalo fo’i, e leai se mea o i ai i lea tulaga ae tele se galuega e fia faia i lea tulaga.

O le mea lea e mana’omia i le taimi lenei o leoleo i a latou su’esuega ina ia fa’atinoina ma saili i latou na fa’atinoina lea tulaga. O le faia ai o lea pitola’au o le a avea lea ma feau e logosa’ia ai i latou o lo’o fa’atinoina lea tulaga.

O le mea moni ma le fa’amaoni afai ae le mafai ona faia i ai se fuafuaga i tagata nei, o le a avea lea ma popolega tele i le lautele o tagata aua e pei o le a atagia mai ai le le toe i ai o se malu puipuia ma le saogalemu o le lautele i lalo o le Tulafono.

Tatou te le mana’omia ia faiga i Samoa ma o se itu e ao ona silasila toto’a i ai ina ia foia i se taimi vave.

 

16 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>