Fa’atali se tofi mai le lagi

By Fetalai Tuilulu’u 16 April 2017, 12:00AM

Na maua le avanoa e fa’atalatalanoa ai le Fofoga o Samoa ma le tamā i a Ameto Vaifalevei, 40 le matua o le soifua o Leauva’a.

“Ua ese nei aso i le tau o le soifuaga o lo’o ua tatou i ai nei, ua matua’i taugata mea uma.” O lana saunoaga lea i le Fofoga o Samoa.

 “O a’u e leai se aiga leai foi se fanau, ma o lo’o o’u fesoasoani nei i le tausiga o fanau a nai o’u uso ma tuafafine. 

“Ia o a’u o lo’o fa’atali se tofi mai le Ali’i. 

“I le aveina le aoga ma taumfai ina ia maua ni manuia aua ua ou iloa mai lava le le toe faigofie o nei aso.

 “Ma e le tau mate lava aua...lea ua tatou i ai i aso nei.

I le fa’atalatalanoaga ma le Fofoga o Samoa na ia fa’ailoa ai le le toe faigofie o nei aso.

“Ia e pei ona o tatou iloa uma lava, ia ua fai lava sina ona le taugata ma e le fa’atusalia i nai tagata mao latou totogi ua alu i lalo.

“E pau lava lona itu lelei ai, aua e fa’aitiitia ai le so’ona taumamafa o le atunu’u mai mea’ai tu’u ‘aisa ae o totō le fai ma le maukeni, o pi ma kukama.

Na ia fa’ailoa o le taimi lenei e le aoga se toe nofonofo ae  galulue punoua’i mo le lumana’i.

“Ia e pei o le itu malie lena o lo’o i ai le taimi lenei, e pei e sau le si’i i luga o le tau o le soifuaga ae o se fa’amanatu e toe fo’i i le ‘ele’ele.

 “E ui lava ina faigata ma tele mea e fa’atino ae o le itu taua lava o le taumafai lava ina ia ola lelei mea totō i luga o le ele’ele aua le aiga.

“Ua le aoga fo’i le fa’atali i se fesoasoani mai o se tagata, aua e uma ane ua tatou lelava e fa’atali ae pei o le tulaga lelei lava o le taumafai e fa’aaoga o so’o se vaega e mana’omia ai le fesoasoasoani.

O le isi itu na ia fa’ailoa ai le fa’anoanoaga o lo’o ua i ai nei o amioaga a tupulaga.

“Ia ua tatou va’ava’ai uma lava i ai, e pei e mafuli le tele o fa’afitauli olo’o ua i ai nei i tupulaga ma fanau.

“O le tele lava o fa’afitauli ua tula’i mai ona o le anoanoa’i o le suiga ua ofi mai ma fa’ata’ita’i e le fanau. 

“E ui na leai sa’u fanau ae o le lava le tulaga o lo’o ou va’ai ai nei ma le tele o le fa’afetauli tula’i ma i totonu o Samoa 

By Fetalai Tuilulu’u 16 April 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>