Moomia se galuega mo fanau

Tusia Seia Soloi ma Fetalai Tuilulu’u ,

38 Hits

Taleni saili ai se galuega- Fiti Elame o se tusi0-ata o lo’o sailiia nei sana galuega mo lona aiga.

Taleni saili ai se galuega- Fiti Elame o se tusi0-ata o lo’o sailiia nei sana galuega mo lona aiga.

O naunautaiga o matua i lenei vaitau ina ia sailiia galuega mo le tausiga o fanau aemaise ai le atina’eina ai o aiga aemaise o le saili ai mo fanau

O Fiti Elame, 24-tausaga le matua mai le afioaga o Saleimoa o lo’o sailia nei sana galuega mo le tausiga o lana fanau, e o’o foi i lona toalua e le faigaluega foi

“O le tulaga faigata lena o le matou aiga aua e leai seisi e faigaluega ma o le fanua foi lenei faatoa tau atia’e nei lava aua o lo’o ma nonofo ai nei” o lana tala lea i le Fofoga o Samoa

“O le matou aiga e faamoemoe lava i e faatoaga ma le togalaau-aina a le tina o le aiga e pei o kukama, maukeni ma nisi tulaga o lo’o faatau mo le tausiga o le ma fanau e to’alua

“O le mea le iai nei o lo’o atia’e lava i mea ua maua i o ma lima maua te le’o faamoemoe lava i seisi e n ate faia se galuega mo maua ma le aiga

E lei leva ona nonofo Fiti ma lona aiga i le fanua o lo’o latou iai nei, ua mafua ona nonofo iai ona o le fanua a lo latou aiga

“Sa togavaoa uma lenei fanua ma o le mea lena o lo’o fai nei o le faamamaina ma galueaina lava e maua ma le loomatua

“E to’alua le ma fanau ma o lo’o ao’oga uma i laua i le taimi nei o le ala foi lea o le tau saili o se galuega me fesoasoani ai i pili aoga a le fanau

O Fiti e iai lana taleni, o le vane-ata ma le tusi-ata ma sa ia galue foi i ni galuega muamua o le tusi-ata i nisi o kamupani ae ua nofo ona o le taumafaiga o le la aiga

“O la’u taleni lena” o lana tala mai lea

“Atonu foi a avea le taleni ina ia vave maua ai se galuega e fesoasoani a ii le tausiga o le aiga aemiase pili aoga a le fanau

“Aua o le tulaga ia i pili o le suavai ma le moli o lo’o totogi ma ii fua o le faatoaga o lo’o faatauina le gata foi i lena o mea fai a le nuu ma le ekalesia

“Aua o tupe tele ia i lenei vaitaimi o mea fai ma ua le tutusa foi le faasoa i nisi o aiga ae o lo’o taumafai lava i le mea e gata ai le malosi

E talitonu Fiti po o le a le faigata ma le taugata o le soifuaga ua iai nei, ae a galue ma sue manuia lava le tagata ia mo lona aiga, e sili lena nai lo le ola faalagolago

“Ua alu i luma le tau o le soifuaga taugata oloa o nisi o taimi ua le lava le faasoa ae e taumafai lava i le mea e gata ai le malosi ona mo se manuia o fanau ma aiga

E n ate talitonu e omai faatasi lava suiga ma luitau o le olaga ae a malosi lava le tagata ia mo lona aiga e leai se mea o le a faa-faigata

“A maua se galuega ua lava lea ma totoe” o lana tala mai lea

“O le manatu maualuga lava ina ia manuia fanau ma o latou lumanai ma ia mautu le matou aiga ina ia aua nei faalagolago fua i nisi tagata

© Samoa Observer 2016

Developed by Samoa Observer in Apia