Saili se galuega mo aiga

Tusia Aruna Lolani ma Seia Soloi ,

23 Hits

Fia maua se galuega- Saipani Liolevave o lo’o tausaili sana galuega.

Fia maua se galuega- Saipani Liolevave o lo’o tausaili sana galuega.

O le matafaioi lea a so’o se tagata soifua o le faia lea o so’o se galuega mo le tausiga o fanau ma aige aemaise ai matua, ma o le maua ai o mea mo aiga o le sailia lea o se galuega e faa-faigofie ai mea uma.

O le taule’ale’a o Saipani Liolevave, 28-tausaga le matua mai le afioaga o Faleatiu, o lona manaoga ina ia vave maua sana galuega mo lona aiga aemaise ai ona matua aua ua matutua lava

O lona naunautaiga ina ia maua sana galuega e tali atu a ii le taugata o le soifuaga ua iai nei le atunuu ma ona tagata

“Sa ou faigaluega muamua, ae ua ou nofo aua ua na’o a’u lava lea o lo’o faamoemoe iai lo’u aiga mo le tausiga i aso uma aua ua matutua o’u matua” o lana tala mai lea i le Fofoga o Samoa

O saipani e na’o ia lava le tama o le latou fanauga mai i ona tuafafine e to’a fa, ma o le ala foi le aua ia naunau ai e saili sana galuega e fesoasoani ai i lona aiga

“O le faafitauli tele o lo’o feagai ma i matou o le leai o se suavai” o lana tala mai lea

“Matou te la’u vai ma ii matou aiga tuaoi ma e totogi foi ua leva ona matou faafesagai ma lea faafitauli talu lava ona matou laiti ma o la’u miti lava ia maua se galuega atonu e maua mai ai se selenitau e fesoasoani a ii lo’u aiga i lea faafitauli

“Out e galue i le faatoaga i aso uma aua se matou meaai aemaise ai lava o matou matua, lea foi faatoa foi mai le faatoaga aua se la meaai i le afiafi

“O o’u tuafafine e gafa lea ma feau i le fale aua e mao uta le matou fale e leai lava a seisi e sau e galue i le faatoaga out e vaai alofa ai foi iai

“E faigata le galuega o lo’o o’u faia aua na’o a’u lava ae out e mana’o lava ia ou malosi mo lo’u aigaaua na’o a’u lava le tama o lo’o faia le tausi-aiga

“Ma o le ala foi lena o lo’o tau sailia ai se galuegae moni lava o nei vaitau ua le faigofie ona toe saili se galuega ae o a’u o se tagata galue malosi ma out e lototele foi out e galue mo lo’u aiga

Na taua e Saipan ii le Fofoga o Samoa o ona matua ua avea nei ma luitau i lona olaga ina ia saili ai sana galuega

“Ua faasolosolo ina matutua matua ma out e iloa foi o lo’o faalagolago ia te au, ma e faapefea ona ou faia se galuega mo lo’u aiga pe a leai sa’u galuega?

“Ou te galue lava i so’o se galuega ua maua ae o le mea taua o le maua o sina seleni mo aiga o le olaga ia e alu i luma ma tatou te le ma iloa foi le lumanai ma lona aluga

O lona talitonuga e tutupu pea suiga ma luitau o le olaga ma e e taofia ai lava lona ia galue malosi mo lona aiga aemaise o le sailiiga lava lea o sona ia lyumanai manuia

“O mea uma lava o le olaga o tupe uma” o lana tala mai lea

“Ma o le maua ai o le seleni e fafaga ai fanau ma tausi ai aiga o le saili lava o le galuega aua e le gata mo aiga ae o so’u ia foi lumanai

“A fai saoga mea mo aiga i faalavelave o pili o moli ma le tupe o lo’o totogi mo le vai o le faatoaga lava o lo’o faamoemoe iai le matou aiga

“E faassavali lava i le nuu ae le gata i lea e faatau i autafa ane o le auala ao le a lava le tupe e maua o lena lava

“Pe laititi pe tele o le mea taulia o le maua o se meaai mo matua i po taitasi

© Samoa Observer 2016

Developed by Samoa Observer in Apia