Agalelei Ausetalia i Tinā o le E.F.K.S. i Nofoali’i

By Ilia L Likou 16 May 2016, 12:00AM

E 20 la’au su’isu’i na agalelei ai le Malo o Ausetalia mo le Mafutaga a Tinā o le Ekalesia Fa’apotopotoga Kerisiano a Samoa i Nofoali’i.

O le Susuga i a Melissa Mitchell o le Ofisa o Ausetalia i Samoa nei na ia tau’a’aoina atu lea fesoasoani mo le E.F.K.S. ma e $17,800 le tau aofa’i o lea fesoasoani.

O lea fo’ai ua leva ona talosagaina e le Mafutaga a le Ekalesia, ma o le agaga fa’afetai na fa’aleoina e le Ta’ita’i o le Mafutaga, o le Tinā fo’i lea o le Galuega i a Luisa Tupou.

“I le ava ma le fa’aaloalo tele, matou te momoli atu ai le agaga fa’afetai tele i le Malo o Ausetalia mo le amana’ia mai o i matou nei,” o lana saunoaga lea.

“Matou te iloa ma talitonu o le a tele se fesoasoani o le a matou maua mai i lenei meaalofa, ma o le a fesoasoani tele ai i totonu o o matou aiga,

“O le a o matou fa’aaogaina ma le tatau mea uma aua lava le aga’i atu ai i le lumana’i.

E silia ma le lima sefulu tinā o le mafutaga i le E.F.K.S. i Nofoali’i.

By Ilia L Likou 16 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>