E lua vaega taua o se tala

By Marj Moore 16 May 2016, 12:00AM

E lua lava itu o so’o se tala ma o lo’o i luma o le lomiga i le aso le fa’amaoniga o lea tulaga.

O le toe aga’i atu ai o le afio’aga o Solosolo i nisi o vaega maualuluga o se tulaga mautinoa lea ua i ai i le taimi lenei.

O le taimi lenei o lo’o fa’apea ona tele lava i latou e toe aga’i atu i vaega maualuluga ona o nisi o ‘a’afiaga o lo’o ua feagai ona o suiga mata’utia o le tau.

O se tulaga ua leva ona tula’i mai ma o le aliae ai o le a vaega i le tele o tausaga ua mavae na avea lea ma mafua’aga  na o’o atu ai ma Samoa aua lava le taumafaiga o se tali e tali atu ai i  nei fa’afitauli.

O le tele o taimi e pei ona maitauina ai i le taimi lenei le tu’uina atu ai o tala e fa’atatau lava i galuega o lo’o i ai se ‘a’afiaga e ono lamatia ai le ola lelei o le si’osi’omaga ma ona tagata e pei ona  i ai.

O le 2011, na te’ena ai e le sa avea ma Minisita o Galuega le la’uina ai lea e se tasi o ana kamupani fai piliki le oneone mai Lotofaga, Safata.

O lea tulaga sa ia saunoa ai ma le manino e leai lava ma se mea o faia po ua soli ai le tulafono aua ua ma’ea ona faia uma tulaga e pei na masani a’i  pe a o’o le taimi e fa’atinoina ai nei ituaiga o galuega e pei ona la’uina ese ai le oneone mai vaega o Lotofaga.

Sa saunoa Manu’alesagalala e fa’apea e leai se tulaga fa’asolitulafono i le la’u eseina ai lea o le palapala ma ua uma fo’i ona faia le pemita mai le Matagaluega o Si’osi’omaga mo lea tulaga.

Aepeita’i, na fa’aalia lava le finagalo le fiafia o nisi o le afio’aga i lea tulaga ona fai mai lo latou talitonuga e tele lava se ‘a’a’fiaga mai lea tulaga aemaise lava i aiga o lo’o nonofo lalata ane i le sami.

Sa fa’aalia e se tasi o le afio’aga i lea tausaga a’o ia taumafai e fa’ailoa mai e tusa ma le 20 mita i gataui o le sami sa i ai aiga aepeitai e o’o mai i le taimi lenei e le’o toe saogalemu i latou.

 “Matou te le’o lauina mai le manava o le ‘ele’ele o lo’o fa’aaoga gauta mai o le ‘a’au.

O le maitau ai i lea tulaga, sa tele lava ni fesili na alia’e mai ai, ma o le fesili tele o le a tonu lava le fa’aiuga e ao ona faia i lea tulaga?

O le mea e pito sili ona fa’anoanoa a’o o tatou taumafai e tusitusilima ma fesiligia le ogaoga e pei ona i ai le tala o le tau i le taimi lenei ae o lo’o o tatou  fa’atalale fo’i i le va’aia lelei o le si’osi’omaga e pei ona ua i ai nei.

By Marj Moore 16 May 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>