Lē faigofie le soifuaga

By Ilia L Likou 17 April 2018, 12:00AM

O le taumafai ai mo le 20 tausaga mo le atina’eina o aiga o se itu tele lea olo’o ua taumafai ai le taimi lenei.

O lea le saunoaga a le tamā i a Tala Mu o Mulifanua i le fa’atalatalanoiaga ma le Fofoga o Samoa.

Na ia ta’ua o le taimi lenei, o le leai ai o se eletise ma se tanevai o itu nei o lo’o ua fai ma fa’afitauli tele ma e mana’omia lava se fesoasoani.

“Ia o le taimi lenei e faigata lava le soifuaga o lo’o ua i ai nei, a o’o i le taimi e timu ai ia ua leai lava se fa’amoemoe.

‘E o’o lava i fola o lo matou fale ua i se tulaga fa’aletonu lava ma ua leiloa le ituaiga minoi i lenei vaitau ona o le taugata o le tau o le soifuaga.

Na ia fa’ailoa o le taimi lenei o lo’o ua taumafai lava e saili se fesoasoani mo le fa’aleleia o lo latou fale.

“Ia e pei ona silafia ai o le matua’i faigata lava le leai ai lea o se vaega e mafai ai ona malu puipuia le ola ma le soifua.

“O le itu taua o le taumafai lava lea ina una’i o vaega uma aua se lelei alu i luma aemaise o se tupe fa’asili mo le aiga.

O Mu o ia o se teufanua.

“Ia e moni lava i le tupe o lo’o mafai ona maua mai ae le taitai lava ona lava ai le fa’asoa i le  taimi lenei.

“O le itu  faigata tele lea i a te a’u lava ia, aemaise o le tulaga mautinoa ua le alofia lava i lenei vaitau o le le lava lea o le fa’asoa i le taimi lenei.

“E pei ona fa’ailoa muamua atu ia o le faigata lava lea o le soifuaga o lo’o ua i ai nei, o le leai o se tupe ae talosia ia ia vave mai se taimi e maua ai sina tupe e fa’atino ai vaega nei.

‘Ona o le  tele o vaega o lo’o ua va’ava’ai atu ai aemaise lava le tau fa’asoasoaina.

By Ilia L Likou 17 April 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>