Tatau ona totogi ovataimi

By Ilia L Likou 17 October 2017, 12:00AM

O le aso ananafi na maua ai le fa’atalatalanoaga a le Fofoga o Samoa ma Tautele Apineru o le afio’aga o Falelauniu.

I lea fa’atalatalanoaga na ia fa’ailoa ai lona le fiafia i le tulaga o lo’o ua i ai nei lona totogi aemaise o le le mautinoa ai lea ‘po o le mea e maua ni o’u ovataimi mai taimi ia ou te ova ai’

“Ia o le itu mautinoa lava e toeitiiti lava a ou faigaluega ovataimi i aso uma ae ou te le’o iloa po o le mea o maua mai ai se tupe.” O lana saunoaga le i le Fofoga o Samoa.

O Tautele o lo’o faigaluega i le Vaega o Fa’ato’aga i Nu’u.

“Ia e pei o lea e ofo fua atu taimi nei e faigaluega ai ae i a te a’u lava ia, afai e le’o maua ni ovataimi ia o se itu fa’anoanoa tele lea.

“O lea ua tatou molimauina uma lava le taugata o le tau o le soifuaga o lo’o ua i ai nei, ua le’o toe faigofie lava nei vaitau o le soifuaga.

“Ua leai lava se tasi e le’o toe silafia lea tulaga ma o se itu e ao ai lava ona tutu ‘a’ai ai aemaise lava i totogi ia ma nai tupe fa’asili mai ovataimi pe a maua.

O Tautele e to’afa lana fanau. Na ia fa’ailoa o lona totogi mo le itula e tasi e $3.50 i le aso ma e galue mo le lima aso o le vaiaso.

“Ia e le faigofie lava nei vaitau , e pei ona ou fa’ailoa muamua atu e matua’i mana’omia lava le tupe aua mea fai o le aiga ma isi vaega.

“O lea fo’i e ao ai lava ona o tatou nofo uta i ai, aua lava le aga’i ai luma o le atunu’u aemaise o nisi vaega e ono tutupu mai le taimi mulimuli ae ua faigata ona fai i ai se fuafuaga i le taimi lenei.

“Ia o lea ou te fia mautinoa po o ai o lo’o gafa ma le faia o matou totogi, o le itu fa’anoanoa e pei e leai lava se tasi o ano mai nei vaega o lo’o mana’omia ai e i matou se fa’amalamalama’aga.

By Ilia L Likou 17 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>