Popolega i pisinisi mai Saina

Tusia Ulimasao Fata ,

34 Hits

Iosefa Fa’atoia e 59 le matua o lona soifua.

Iosefa Fa’atoia e 59 le matua o lona soifua.

I le fa’atuputupulaia pea o le numera o tagata fai pisinisi mai le Malo o Saina i Samoa, ua fa’apena ona fa’apopoleina ai le toatele o tagata Samoa.

Ua popole le toatele ona e pei o se faailo lenei i le ono pulea ai e le  Malo o Saina o Samoa i se taimi o i luma.

O le molimau lea o le tamā  i a Iosefa Fa’atoia e 59 le matua o lona soifua, o lea tulaga ua fa’apopoleina ai o ia.

Na maua le avanoa o le Fofoga o Samoa ma Iosefa ao  aga’i atu le fale faatoa mae’a ona momoli lona afafine i le aoga i le taeao ananafi.

“Lagona le popolei  le loto i le vaaia pea o le siitaga o le fuainumera o tagata fai pisinisi nei mai Saina I totonu o Samoa”.

“E mo’i lava ua taugofie ai oloa mo le mamalu lautele o le atunuu, ae ou te talitonu lava o se tasi lea o latou metotia e una’i ai tagata Samoa ia fiafia ia latou ae mulimuli ane ua latou pulea Samoa”.

Na maua foi le avanoa e fa’asoa mai ai le Tama ia Iosefa Fa’atoia I le tele o poloketi a le tatou malo na faatupeina e le malo o Saina.

“O lo tatou falema’i fou, malae va’alele fou aemaise le tele o nisi galuega na faapena ona matua’i sau ai lava le foa’i mai le malo Saina mo le malo Samoa, talosia ao ni auala lelei ae leaga o ni tatou aitalafu”.

Na fa’aalia e Iosefa Fa’atoia isi auala o lo’o ia popole ai i le fa’atuputupulaia o Saina i totonu o Samoa.

“A e silasila lelei lava i le latou anavatau o lo’o finau iai, e omai e taumafai e atia’e latou pisinisi ma omai e taumafai e faatau atu o tatou fanua”.

“Na tatou molimauina foi le tulaga lea na iai le au Saina lea na gaoia le Bank iinei, o se tulaga ou te iloa e lei o’o iai se malamalama a se tagata Samoa, o le isi itu leaga lena o le ofi mai o tagata Saina nei, o le a tele ai nei foi ma solitulafono fou o le a omai ma aumai I le tatou atunuu”.

Na taua foi e Iosefa Fa’atoia o se taulogologo lea mo Samoa.

“O le taimi nei ua tatau ona tatou mata’ala i nei vaega, ona ou te talitonu o le a tele se aafiaga o tatou i le faatuputupulaia pea o Saina i Samoa.

© Samoa Observer 2016

Developed by Samoa Observer in Apia