Ia atia’e aiga

Tusia Vatapuia Maiava ,

26 Hits

Faiesea Alesana.

Faiesea Alesana.

O le taugata ai o le tau o le soifuaga o se tulaga ua faigata tele ua feagai ai nei ma tagata o le atunu’u.

O lea le finagalo fa’aalia o Faiesea Alesana o Leauva’a-Uta i le fa’atalatalanoaga ma le Fofoga o Samoa i le aso ananafi.

Na ia fa’ailoa o le taimi lenei o lo’o sologa lelei mea uma i totonu o le aiga.

‘Ia o le itu mautinoa lava o lo’o faigata lava le tulaga fo’i lea o le taumafai ai e fa’atino o vaega uma ona ol etaugata ole soifuaga.

“Ae mo si o matou lava aiga, ia e o lo’o sologa lelei mea uma i le maitau atu ai ma o le taimi lenei o lo’o galulue nisi o le fanau ma o lo’o ua fesoasoani malosi mai ai lava le taimi lenei.

“Ua o tatou iloa ma silafia e le faigofie nei aso ma o le agaga foi lea o le taumafai ai lava o aiga.

‘Ia ae pei ona fa’ailoa atu muamua ia o lo’o sologa lelei mea uma, o lo’o mafai lava ona fesoasoani nisi o vaega e pei o le fa’ato’aga e le tele tele o si o matou aiga.

“O le olaga lenei ia o le taumafai lava, o a vaega e silafia e le tagata ia e aoga mo lona aiga, ia e pei o lea lava le tulaga e tatau ona fai.

“Ua uma ona tatou iloa ma silafia tulaga uma aua le aga’i atu ai le lumana’I, o le ola tapenapena o le aiga ia mo aso leaga.

“Ia aua ne’i o tatou fa’atu’utu’u ai ae galulue, e pei o lea lava lou talitonuga ole ki ma le tatala mo mea uma.

“O le taumafai lava ma ia lelei le fa’atinoina o vaega aua le aga’i ai le lumanai o le itu sili lea ona taua i lo’u nei tagata.

© Samoa Observer 2016

Developed by Samoa Observer in Apia