Lanuola Tusani Tupufia

Faaliliu e Seagaitumua Tupuola 

Ua teena e le Minisita o A’oga, Taaloga ma Aganuu o Magele Mauiliu Magele, lipoti e faapea e le toe tauva o ia i le Faiga Palota Lautele o loo loma nei.

I le teena la o lea itu-na faamaonia ai e le Sui Ufufono o le Palemene mo le Itumalo o Faasaleleaga Nu. 1 lona avea ma sui faatu. 

O lana faaiuga o lona uiga o le a tauva o ia ma le isi Sui Ufusono o le Palemene o le Vaega Faa-Upufai e Puipuia Aia Tatau a Tagata (H.R.P.P.) le Minisita Lagolago  o le Matagaluega o Tamaitai, Atiina A’e o Nuu ma Agafesootai, o Gatoloaifaana Amataga Gidlow.

Manumalo poo le to’ilalo, fai mai Magele e i ai isi ana fuafuaga.“Ina ua ‘ou malolo litaea mai le Iunivesite Aoao o Samoa, sa i ai la’u fuafuaga e fai so’u ma’umaga ma le togafa’i,” o le faaaliga lea a Magele i le Sunday Samoan. 

 “Ae peitai, e ese le fuafuaga a le Atua mo a’u i lena taimi ma o loo tumau pea lena fuafuaga i lo’u mafaufau, e fai la’u faatoaga.Na ‘ou tuu ese le mea sa ‘ou mana’o i ai ma mulimuli atu i le mea na finagalo le ATua ou te faia –ae afai ou te le faia-ou te le toe fo’i mai, o loo tumau pea ia te a’u lea fuafuaga.” Fai mai Magele o lona faamoemoe ia toe foi atu i le vaega tau aoaoga pe a mavae lana galuega tau polokiki e le o tulaga lelei i le taimi nei.

 “E sili ai ona ‘ou te fo’i atu e toto ni nai taro,” o lana faaaliga lea. O loo i ai foi ana isi fuafuaga. Na ia faaalia lona fiafia e aafia i totonu i se nofoaga autu o se nuu e faafoeina i le Kolosi o Mataaevave ma le Kolisi o Vaimauga pe a faatinoina. Na ia faamalamalamaina o ia nofoaga o le a ofoina atu ai aoaoga mo tupulaga talavou ma tagata mattutua e le gata i tomai eseese ae faapea foi tomai masani tau su’isu’i ma le lalagaina o le ‘Ie Samoa. 

O Vasega e fai i le afiafia ma o le a tuuina atu e le Samoa Qualifications Authority  tusi pasi faamalonia.

“E faatūtū ia fuafuaga i le faatuina lea o lau lava pisinisi ai lo le avea ma tagata faigaluega,” o le faaaliga lea a Magele. “Mai iina, e mafai e tagata ona talanoa i le faletupe e uiga i le fuafuaina o a latou lava pisinisi ia e mafai ona latou faagaoioia mai o latou aiga ma le nuu.”

O le nofoaga autu i le Mataaevave ua uma ona faamaonia e le Kapeneta. I le taimi nei, o le saofia o le Palemene ina ua tuana’i lana taumafaiga muamua ma tofia e avea ma Minisita o le Kapeneta i lana paeaiga muamua, fai mai Magele sa faafiafiaina o ia i lea malaga.  “O se malaga e tumu i lu’itau ma ua ‘ou matua lagona le vaivai ina ua tuana’i atu na tausaga,” o lana faaaliga lea.. “O le lagona na ‘ou faalogoina e peiseai o lea lava e avea a’u ma Ofisa Sili o Pulega.” Fai mai Magele o loo manino lelei ia te ia le itiiti o le pulega o le Matagaluega o A’oga, Taaloga ma Aganuu. Ae afai ou te le faia-e leai se mea e aga’i i luma,” o lana faaaliga faaopoopo lea. O lea la le mea lea ua faaalia? 

Fai mai Magele e leai se mea e tasi e fiafia i ai. Fai ma a ia o aso uma lava e i ai se lu’itau lea foi e o mai faatasi ma le tele o faamanuiaga.