Afua mai mauga manuia

By Ilia L Likou 18 January 2018, 12:00AM

O lea le talitonuga o le tamā i a Galoma Eliuta Tunumafono i le fa’atalatalanoaga ma le Fofoga o Samoa.

Na fa’ailoa e le tamā o le itu ua o’o ai  le tau o le soifuaga ua i ai nei ua fai lava sina taugata.

‘Ia e pei o lea lava le fa’afitauli tele o lo’o ua feagai nei ma letele o tagata o si o tatou atunuu.

“E le tau matea lea tulaga o lo’o ua tatou i ai nei, ua matuai tau le mafai ona manava i le taugata ua  i ai nei le soifuaga.

“O lo’o ua tatou iloa uma lava o le to’atele o nai o tatou tagata ua fa’alagolago lava i fa’ato’aga mo le soifuaaga nei.

‘E le gata ina fa’atau atu mo mea’ai ae le gata foi lea o tupe.

Na ia fa’ailoa foi o le tele mai ai o Saina i Samoa nei ua fai lava lea ma fa’alavelave tu.

‘Ia e pei o lea lava le soifuaga o lo’o ua tatou i ai nei, ua matua’i faigata mea uma lava.

‘Aua e pei ona silafia, ia o lea mea  lea mea, ua tauau ina faigata ai le ola nei.

“Ae o le tele mai ai o Saina o le matua’i leai lava ma se fa’amama avega ua i ai le taimi lenei mo si o tatou atunuu.

‘O le itu mautinoa lava lea i lo’u iloa i ai le  taimi lenei.

“E ao lava i le malo ona toe silasila toto’a i ai aua se mapusaga mo le to’atele o le mamalu o le atunuu.

“E leai la se tatau ona toe nofonofo ae o le galulue lava, ua masani ai lava nai o tatou tagata i le galueina o fanua.

“I a te a’u lava ia e pau foi lava lea o le mea e mafai ona fesoasoani ai i nai vaitau i nai o tatou tagata.

“Aemaise le agai atu ai le lumanai.

By Ilia L Likou 18 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>