Sailia se galuega e fesoasoani ai aiga

Tusia Fetalai Tuilulu’u ma Aruna Lolani ,

16 Hits

Malosi lava e faigaluega: Mika Asa 61 o Faleula.

Malosi lava e faigaluega: Mika Asa 61 o Faleula.

O lenei vaitau o le soifuaga ua iai, ua tau fai saili manuia uma aiga i galuega aua le fesoasoani a ii le tausiga o aiga ma fanau. 

O nisi foi ua tele ua faia filifiliga talafeagai ona o le naunautaiga lava mo le lelei ma le manuia o aiga. 

Ma e moni lava i le tele o mea fai ma taugata le soifuaga ae e faia lava e tagata mo se manuia o fanau, o le ala foi lea o le saili ina ia maua ni seleni se tele. 

 Mo le tama ia Mika Asa, 61-tausaga le matua mai le afioaga o Faleula o lona manaoga ina ia maua sana galuega e fesoasoani a ii lona aiga ma le la fanau e aoga to’atolu. 

“Sa ou faigaluega muamua ae ua mafua ona ou nofo ona sa maua foi i ma’i le tino ma o le taimi na malosi ai ma to’e fo’i le galuega ua leai se avanoa,” o lana tala mai lea i le Fofoga o Samoa. 

“O le galuega la o lo’o faia i le taimi nei, o le galuea’ina o le maumaga mo le aiga mo meaai i aso uma.

“O si o’u to’alua lava lea o lo’o gafa ma le fa’atupein o si o matou aiga, ia o lona lava la totogi e $100 le vaiaso ma e tai tai ona lava ai le fa’asoa.  

“Taugata le soifuaga ma o le tele o nisi o aiga ua e gafatia ona ua maualuga le tau o le soifuaga ma o le ala foi lea ua ou naunau ai e saili sa’u galuega 

 “Sa ou galue muamua lava aua sina seleni na maua ma sa fasoasoa lelei lava ao lenei taimi ua toatele le aiga ua toe manatu ai e saili seisi galuega fou 

O le galuega lava ia o le tausi-aiga na taua e le tamā ese le faigata. 

“O le taimi atoa lava lea sa ou nofo mai ai le galuega o le maumaga lava sa fa’amoemoe iai. 

“Sa tausi lava aiga ma fa’amoemoe la maumaga, sa ave foi fua o fa’atoaga e fa’atau ma ou te ta’utino atu e sili atu ona tele ata tupe e maua i le fa’atoaga nai lo fua o fa’atoaga.  

“Faigata aua na’o ia lava lea o lo’o faia le galuega o le galue i le faatoaga ma o lo’o faamoemoe mai foi lo’u aiga ia te au i galuega i aso uma 

“O seleni uma foi mea uma o le olaga, lenei vaitau  fai o mea faale-aiga o mea faale-lotu ma le nuu o pili o le vai ma le eletise 

‘Ma e leai ma seisi o tatou e mafai ona ‘aloese mai ai aua ua masani ai lava o tatou tagata 

“Ma ua lagonaina foi le toatele o tagata ua faitio ae ia te au lava ia aua tatou te faitio ae ia galue lava mo aiga 

Faaalia e e tama ia Aunese e na te tali lava soo se galuega o le a tuuina atu e se tasi o le a ofoina atu mo ia 

“O le manaoaga lava lena lea e iai ia vave maua le galuega o le a lava le seleni e maua mai ai e talia lava 

“O le naunautaiga o le loto ina ia maua sina seleni e faatino ai manaoga o aiga aemaise foi o le tilotilo a ii le lumanai ma mea fai. 

© Samoa Observer 2016

Developed by Samoa Observer in Apia