O le suāvai o le olataga

By Deidre Tautua-Fanene 18 July 2018, 12:00AM

E 55 le matua o le soifua o le tama ia Seti mai le afioaga o Saleimoa.

I le la faatalatalanoaga ma le Fofoga o Samoa sa ia faaalia lona manaoga tele o le fia maua lea o ni kalone tetele aemaise lava o se tane vai ina.

E ui lava o loo iai foi le manaoga o le toe faaleleia o le nofoaga o loo iai ae sa ia ta’ua e taua atu le iai o le tane vai ona o le olataga lea mo soo se tagata soifua lava.

O lenei tama e le faigaluega ae toaono nai ona alo.

O lona popolega tele o loo iai o le soifua maloloina lea o si ana fanau ma sa ia faaalia foi lona loto faafetai ona o le alolofa o nai o latou tuaoi i le faatagaina o latou e faaaoga le latou vai.

“E manaomia lava se tane vai ona e pei lava o suavai lava o mea fai.

“I soo se aiga lava e manaomia lava le suavai e faatino ai mea uma lava i totonu o le aiga e pei o tagamea, fufuluina o ipu, faamalu ai foi.

“E manaomia tele le tane vai e fai ai gasesega aemaise lava e faaaoga e feinu ai.

“O si au fanau lava e gafa ma le lauina o le vai ma o le isi itu tele lena e manaomia tele ai se tane vai.

“E tatau lava ona mama vai e faaaoga e i meataumafa aemaise lava e feinu ai auā a le mama o lona uiga o le a maua tagata i faamai aemaise lava si au fanau.”

Ae ui lava i nei mau mafatiaga o loo feagai ma lenei aiga ae peitai o loo iai lava le faatuatuaga o lenei tama e iai se aso o le a faaeaina ai latou mai lenei olaga.

“Ua fai si leva o matou iinei ma o le tulaga lava lea o loo iai le olaga ia i matou nei ma si ou aiga.

“E fai foi ma fesoasoani mai lo’u aiga ia te au ma o nisi o le fanau lea matou te nonofo ai isi o loo i le latou tina.

“E iai lava le aso e faamanuia ai le Atua isi ou aiga aemaise lava o si fanau.”

By Deidre Tautua-Fanene 18 July 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>