E leotetele galuega

By Ilia L Likou 18 October 2017, 12:00AM

O lea le finagalo o le tamā i a Toleafoa Sanerivi o Utuali’i i le Fofoga o Samoa i le aso ananafi.

Na maua le fa’atalatalanoaga o lo’o aga’i o ia mo lana faiva i se tasi o pitonu’u o lo latou nu’u.’

“Ia o a’u e to’aono si a’u  fanau ma o le to’atele o lo’o ua faigaluega ae o le isi to’atolu o lo’o a’o’oga lava."

“O lea lava le olaga o lo’o ua i ai nei, ia o le taumafai lava e fesoasoani i aiga, i le mea e gata aua o lea lava le tulaga o lo’o ua mana’omia lenei vaitaimi o le  galulue fa’atasi lava."

Na ia fa’ailoa o le taimi lenei o lo’o i se tulaga lelei pea le aga’i atu ai le lumana’i mo le fa’atinoina o galuega aua lava aiga.

“Ia o a’u pe fa’atolu le vaiaso e sau ai tai e asia le sami, ma o se galuega e i ai fo’i lu’itau, aua e fua lava le lelei o le tau."

“O le uiga o la’u tala, ia e le fa’apea e va’ai atu lava o fa’aletonu mai le tau o le gataifale a lae alu lava, o le itu taua o le taumafai lava ina ia fa’atino vaega uma mo le lelei alu i luma o aiga."

O le taimi lenei o lo’o maua lava lona malosi mo le lelei o lona aiga.

“Ia e pei o lea lava le tulaga o lo’o ua i ai nei, o le a lava fo’i le faigaluega o nai fanau ia e le tu’ua ai lava le tulaga fo’i lea o le fa’atino o vaega e fesoasoani ai aiga."

“E le fa’apea o se masani nei le alu e fagota, leai  e pei o nai vaega lava ia na ola ma soifua mai ai, ia o lea lava a tele ia ua fa’atau atu."

“Ma  maua mai ai sina tupe fa’asili aua ua le toe faia se tala a se tasi i le taugata o le tau o le soifuaga o lo’o o tatou soifua ma ola ai nei."

“Ua le gata le alu i luga o tau o oloa ae o nisi fo’i o auaunaga...ua faigata lava!"

“Ae o le fesoasoani lava i aiga, o le itu pito sili lea ona taua i lo’u iloa i ai i lenei vaitau."

By Ilia L Likou 18 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>