Tautuana la tatou Gagana

By Ilia L Likou 19 January 2018, 12:00AM

O le fa’ataua ai o le gagana Samoa i totonu o le atunuu o se itu taua tele lea i le taimi lenei.

O lea le finagalo o le tamā i a Apulu Sefo Fonoti i le fa’atalatalanoaga ma le Fofoga o Samoa.

Na ia fa’ailoa o se tasi lea o vaega e ao lava ona silasila mamao i ai i le taimi lenei aemaise o le aga’i atu ai le lumana’i i le tele o le mau suiga ua i ai nei.

 “O si  o tatou atunu’u e ese mai lava mai letele o atunuu o lo’o ua i ai nei le lalolagi 

 “Mo a’u lava ia ua faia lava sina popole i suiga e pei ona ua amata ona alia’e mai i si o tatou atunu’u aemaise o nai fanau.

 “O si o tatou lava aganuu aemaise la tatou aganuu o vaega sili lea ona taua i le olaga ma le soifuaga o so’o se Samoa.

“Aua o le mea lava lea e ese mai ai tatou mai isi atunu’u o la tatou fo’i ia tu ma agaifanua.

 “O le itu mautinoa, e tofu lava le atunu’u ma la latou gagana ma o le mitamitaga foi lea mo i latou ia.

‘Aua e pei o le Gagana Peretania lava ia e lona lua a’i gagana a atunu’u ae o tatou lava ia gagana ia e tatau ona aputiputi lelei i ai.

Na ia ta’ua foi le tele o le ‘a’afiaga o le fanau ona o  auala televavave fa’aonaponei.

 “Ia e pei o lea lava le tulaga ua i ai nei o le tele o nai fanau ua i ai lenei vaitau ia ua fai lava sina faigata ua o’o le tulaga foi lea ua le fia fa’alogo ini matua.

 “Ua fiu lava foi le mea e fai atu ai  feau ae u’u mai lava le telefoni i le taeao e po lava e matua’i leai lava se feau e aoga i ai.

 “E i ai nisi o fanau o fanau i atunu’u mamao ma o la’u tala lava lea e fai i ai, fa’aaoga le gagana Samoa i le fanau.

 “Ia o le mea lea ua tupu e Samoa ae matuai leiloa lava e tamaiti fa’aSamoa.

By Ilia L Likou 19 January 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>