ILOILO I LE ASŌ PE AGAVA’A MO LE PALOTA

19 February 2016, 12:00AM

Ripotia e Pai Mulitalo Ale

Fa’aliliu e Maiava

 

O le asō e fa’ata’oto ai e le Fa’amasinoga Maualuga se aso e fofogaina ai le mata’upu lea o lo’o finau ai le Faipule mai Lotofaga, o Fiame Naomi Mata’afa e fa’asaga i le sui-tauva e to’atasi o le a la tauva i Faiga Palota i le masina fou.

O le fa’asea fa’asaga ia Fialoa Iosua Lole – ona o se moliaga tau-ta’avale - sa tatau ona tagofia e le Fa’amasinoga i le Aso Lulu.

O le tama’ita’i-loia o Helene Wallwork Lamb, o lo’o tula’i e fai ma sui o le Faipule, o le Minisita fo’i o le Matagaluega o Fa’amasinoga.

Na toe tolopo mai le mata’upu mai le Aso Gafua e talia ai se tali mai le o lo’o tu’ua’ia, e tu’uina atu i le Fa’amasinoga.

E o’o ane i le Aso Lulu, e leai se tali na maua.

Ona fa’atonuina lea e le Fa’amasino Sili, Afioga a Patu Tiava’asu’e Sapolu ia tu’uina atu o se tali i le aoauli ananafi. O le aso, e toe iloiloina ai lea mata’upu fa’atasi ma isi fo’i mata’upu tau-palota lava e valu ua to’ai nei i le Fa’amasinoga.

Fa’asea fa’asaga i Sui-tauva mo Faiga Palota 2016

 

LEPA 

• TuilaepaSa’ileleMalielegaoi e feto’ai ma Tuula Kiliri Tuitui

VAIMAUGA SISIFO 

• Tuisugaletaua Sofara Aveau e fa’asaga i le Sui Komesina o Faiga Palota ma Fuatimau Maumea Leniu

GAGAEMAUGA No. 2

• Seuoti Sheryl Muagututia fa’asaga i le Sui Komesina o Faiga Palota ma Semau Faamau Levi

GAGAIFOMAUGA No. 3 

• Laauli Polataivao Leuatea fa’asaga ia Faaulusau Rosa Duffy

PALAULI LE FALEFA

• Faumuina Tiatia Liuga fa’asaga ia Tagaloa Dr. Pita Alailima

ALEIPATA ITUPA I LUGA 

• Amituanai Fagaivalu Samu ma Alii ma Faipule o Lalomanu e fa’asaga ia Leo’o Dr. John Adams

• Amituanai Fagaivalu Samu fa’asaga ia Fualaau Taula Sini

ANOAMA’A SISIFO 

• Leota Seiuli Seufata ma Alii ma Faipule o Solosolo fa’asaga ia Leota Leuluaialii  Ale ma le Sui Komesina o Faiga Palota.



19 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>