O le faamuamua lava e ave i le aiga

Tusia Fetalai Tuiluluu ,

84 Hits

Saolotoga Tumusua Bruce

Saolotoga Tumusua Bruce

E eseese lava auala e faia e tagata I le tausiga o aiga. Ae o Saolotoga Tumusua Bruce o se faifaatoaga lana faiva o loo fai nei I le tausiga o si ona aiga.

E 33 tausaga le matua ma o loo nofo nei I Maagiagi e fai le fatu aiga tausia o lana maua lava o le tagata galue malosi o le lima taumatau lava le ao soo se aiga i me ae fai. 

“I le tala faasolopito si o matou aiga o le faifatoaga lava sa afua mai ai maotu manuia. Ma o le galuega lava lea a si o’u tama ua mavea atu lenei olaga sa taumafai mai ai si o matou aiga. O lana lea manatu faalia I le Fofofoga o Samoa. 

“O se galueg faigata tele, ae ui I lea o le faamoemoega lava lea ia te a’u e fesoasoani ai i le tausiga si o’u tina. 

“Peitai ua iai foi se tulaga e faafatuulu I le ola galuega o Saolotoga ona o le taugata o vailaau faimaumaga ma vaega uma e faatino ai galuega, e le gata i le o le tau i le fesuisuia’i ma le tele o tafega i le matou pitonuu I Maagigai nei.

“I le avea ai foi o a’u ma faimaumaga o lea se itu e manaomia tele ai le iai uma o mea faigaluega ma lelei atoatoa aua o le faamoemoega lea o si o’u tina matua I mea fai. 

E silafia foi le mamao o le maumaga ma lo’u fale e tusa ma le 5 mila, o le masani lava o le laa I taeao uma ma afiafi iai e oo foi I avega meaai e amo mai lava I gauta e tau i tai le aai.

“O lea e iai lava se manatu e le tatau ga taugata le soifuaga.

“O ita nei e leai se galuega nao le maumaga e faamoemoe ai ae afai o lea le itu i le taugata e I’u ai lava ina le ai si o’u tina ae maise o si o matou aiga.

 “O le tele foi o taimi e tau au ina mamulu atu le ola galuega ona o le mamao le maumaga leai se taavale, o le taugata o mea faigaluega e faaoga.

O le avea ai o a’u mai fai faatoaga o se galuega e le faigofie, ae o se tasi foi lea o lesona e vaavaai ai I le taugata le soifuaga.

© Samoa Observer 2016

Developed by Samoa Observer in Apia