Fa’atau popcorn mo se seleni aua le fanau

By Aruna Lolani 19 June 2017, 12:00AM

O le maua ai o le fa’atalatalanoaga le Fofoga o Samoa ma le tamā ia Kugaga Sami o lo’o fa’atau ana popcorn i luma o se tasi o faleola i Moto’otua. 

Sa ia taua o lana lava lea masani i aso uma o le omai a si ona atali’i e fa’atau le la faleaiga. 

“Ia o nei lava le ma nofoaga fa’atau,” o lana lea tala i le Fofoga o Samoa. 

“Ia o maua e omai mai Malie le aiga o si o’u to’alua. 

“E to’alua si a ma fanau ia o le ulumatua e alu le aoga ae o si o’u atali’i lea o Ivan fa’atoaga aoag le tausaga fou. 

“Ia pei ona tagatagaa’i mai o le popcorn lava lea e tulei atu i luma nei aua se seleni mo le fanau. 

“O maua e 6:30  le ono i aso uma ua i ma luma nei ma popcorn. 

“E 100 lava la popcorn ma te aumaia le aso e fa’atau, ia e o’o ifo le taimi ma te o ai le fale e pe tusa na’o le 30 i le 40 popcorn e alumia. 

“Ia e faigata lava le galuega o lo’o fai nei peitai e faia lava mea uma ona le fanau aemaise o le tausiga o aiga si o’u to’alua. 

 “Ia o le galue lava aua a nofonofo foi i ua leiloa po fea a maua ai se seleni mo le aiga. 

“O le tupe e maua mai lenei galuega e totogi ai pili o le vai ma le eletise, ma e fesoasoani ai fo’i le aiga, le fanau fa’apea mea o le lotu ma mea fai a le nu’u.”

Sa ta’ua e Kugaga o ia e leai iai se ma’umaga ma o le tulaga lea e fa’atau ai ana popcorn ona  se tupe maua. 

“O si o’u to’alua foi e le faigaluega ona o e ma’i.  

“Ia e tiga lava le timuga o aso e taumafai lava e mai nei popcorn aua lava se tupe. 

Sa taua e le tama o uta lava i Moto’otua e ave iai  e fa’atau. 

“E sili lava ia a’u le aumai uta nei, aua foi o lo’o iloa iai i le taulaga e tumu tele ma o le tele foi o tagata ua fa’atau popcorn.

By Aruna Lolani 19 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>