Onosai lava le faigata le soifuaga
E lei fausia Roma i se aso e tasi.
O lea foi e ao ai lava ona tatou onosai aua e le fa’apea la’a lelei ma mautu uma mea uma i se tasi e tasi.
O lea foi le manatu fa’alia o Ieti Amina o Levi Saleimoa I le tau atina’eina o lona togafa’I I gauta le togavao.
O Roma e 41 tausaga le matua le soifua ma o lo’o lu’itau lava ia i lana galuega I lona maumaga. Sa maua le fa’atalatalanoaga ma le tamā a’o aga’I mai lona fale ua uma lana galuega.
“Ia o le tau mai foi o le tou polokalame, fa’atoa foi mai sa ou lau atu e asiasi atu lo’u maumaga i ga uta. Ia e le’o se maumaga tele ia ae la’u lava ia toga fa’I,” o lana lea tala.
“I le taimi nei, ia na’o fa’I lava o lo’o toto ai ae o lo’o talo talo lava ina ia toto ai nisi foi fuala’au.
“O le ala foi o le fai o lo’u toga fa’I ona o le to’atele o tagata fai fa’atoaga talo.
“O le ala foi lena sei fai ai foi se isi suiga o le totoina o le fa’I. O le to’atele lava o tagata o le matou nu’u e mauoa lava ona o le fa’atauina o le talo.
“O la’u foi toga fa’I o lo’o tauatia’e i le taimi nei.
“O le ala foi le le na asi I aso uma ma e tele lava vaega o lo’o fia fa’aleleia le maumaga. O le taimi nei e le’o mamfa tele lo’u mafaufau aua o so’o se vaega lava e amata atu lava le laititi e u’I foi le tele.
Sa taua e Ieti o si ona to’alua lava o lo’o faigaluega malosi o le aiga.
“Ia o lo’u to’alua e faigaluega e aoga foi le ma tau fai galulue fa’atasi aua lava se avega e ave gofie.
“O ia e su’e mai le tupe ae a ‘u e toto le meaai .
“E to’atolu si a ma fanau ia e fa’atoa aooga uma lava le tausaga fou o le ala faigofie foi lea o le ma galuega fai.
O le foi le olaga e ao lava ona tapenapena lava aua le tele o fa’afitauli ae maise foi o lo’o alualu i luma le soifuaga.