TA’UTINOGA A SAGATO AOKUSITINO-OLA FAATA’ITA’I IA Keriso
- Confessions of St. Augustine-Immitation of Christ.
Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer.
E UIGA I LE SAILIA O LE FESOASOANI A LE ALII MA LE MAUTINOA O LE MAUA MAI O LONA ALOFA.
“Lo’u atalii e-e i ai ‘ea se mea e faigata ia te A’u-pe tusa ea A’u ma le tagata e tali mai -ae leai se mea na te faia? O fea o i ai lou faatuatua? Ia e tutumau i le lotomau ma le faamalosi. O le tele o lou pagatia-o lou malosi foi lea.
O le a e maua le faamafanafanaga i le taimi e tatau ai. Ia e faatali mai mo A’u-ioe-ia e faatali mai! Ou te alu atu e faamalolo ia te oe. O faaosoosoga ua e pagatia ai-ma o le fefe -e leai sona uiga-ae na te faapopole ia te oe.
Aisea e te popole ai i mea o le a tutupu ia te oe i le lumana’i? O faaosoosoga ua fenumia’i ai lou mafaufau ma ua e popole ai. Aisea e te popole ai i mea o le a tutupu ia te oe i le lumana’i- e na o le faanoanoa ma le faanoanoa e te maua ai? Ua lava le aso e tasi mo le tiapolo.
Ua na o mea e leai se aoga ma le faatiga e te popole ai -ae leai se mea e tasi e aoga! O le mea lea-ia ‘aua lava nei popole lou loto ma ia ‘aua foi ne’i e fefe. Ia e talitonu mai ia te A’u-ma tuu mai lou faatuatua i lo’u Alofa Tutunoa!