E leotele galuega

By Fa’aliliuina e Ilia L Likou 21 April 2016, 12:00AM

O le tele o e o lo’o fa’atau solo a latou oloa i luga o auala ua avea lea ma fa’alavelave i aso uma.

Aepeita’i, o le tama’ita’i o Quenjule Slaven mai Moamoa ua leai sona manatu fa’apea po o ni uiga fo’i e mafai ai ona ia fa’ailoa atu ae ua lagolagoina i latou nei mo ni suiga lelei o o latou olaga.

E ala lea o lona iloa atu o i latou nei e avea ma ta’ita’i i le lumana’i ma e alagatatau ona ave i ai avanoa taua mo lo latou ola.

O le 11 ai o vaiaso ua tuana’i na amata ai e Quenjule se polokalame ma le fa’amoemoega tele ina ia mafai ai ona fesoasoani i ai latou nei , ma na amata ane na o nai tamaiti laiti ae o le taimi lenei ua latalata i le 20, ma o le tele o i latou nei e leai ni avanoa e mafai ai ona aoaoina i latou.

Ina ua asia e le Samoa Observer le Polokalame, na maitauina ai le pisi ai o le tama’ita’i o Quienjule i le a’oa’oina ai o tamaiti.

Sa ia talosagaina le fa’atali ai o lana fa’atalatalanoaga a’o ia a’oa’oina nisi o le fanau laiti.

O le amataga mai o lenei polokalame ina ua ou vaaia le tele o le fanau aoga o lo’o feoai solo e fa’atau oloa ae le mafai ona o i le aoga.” o lana tala mai lea.

 “O le tele o i latou na ou va’ai ai luma o le faleaiga a McDonald ma le Sunrise, sa ou fesili i lo’u tinā le mafua’aga e le mafai ai ona o i latou nei i le aoga, ae fai mai o le tele o i latou nei e le mafai ona o ona o ele gafatia e matua ma aiga le fa’aaoogaina o i latou.

 “I le maea ai la o se tasi o tauvaga tau i Aia Tatau o Tagata lea na mafai ona auai atu ai, sa ou iloa ai o tamaiti nei e i ai fo’i lo latou aia tatau,

 “O le aia tatau e a’oa’oina ai, o le aia e mafai ai ona fa’aleo mea uma i lo latou olaga, ona fesoasoani mai ai loa lea o o’u matua i a te a’u,

 “Na o’o mai le faletusi lenei ma talosagaina le fa’aaogaina ai lea o ii’nei ma ua alualu ai pea seia o’o mai le taimi lenei,

 “Na amata main a o le to’alima le fanau ae ua to’atele lava ua o’o mai,” o lana tala mai lea.

 “O le tele o tamaiti latou te leiloa o latou aso fanau, e leiloa fo’i ona sipela o latou igoa, ae ina ua uma le lua o vaiaso ua tele lava ina alu ma le atoa le faitau,

“O le fa’amoemoega maualuga lava ia fiafia i latou e faitau ma e le taumate le o’o atu i sona taunuuga lelei,

 “O le manaoga tele lava ia aveese mai i latou mai luga o le auala a’o tuputupu a’e , ma ia o latou iloa le taua o le ola a’oa’oina lelei.

 “O le taimi lenei ua gasolosolo lelei lava,

“E lelei lava le tautala ma savali ai , o le mea e pito sili lava lea ona taua.

Sa ia momoli le fa’afetai i e uma na lagolagoina o ia e aofia ai ona matua , Juliann ma Christian Slaven, Fana Lee Zumba, Soli, Lomia, Maima, Tanya ma lana fanau teine i a  Amelia, Vui ma le faletua i a Lorraine Williams, Stella M, Maiava Lulai Toma ma la latou aufaigaluega atoa.

By Fa’aliliuina e Ilia L Likou 21 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>