Ma’ale’ale suiga o le tau

By Ilia L Likou 21 October 2017, 12:00AM

O le tele o suiga ua i ai nei tau ua avea lea ma popolega i le to’atele.

O le finagalo o Lafaele Kelekolio o Aleisa ‘ia taumafai lava e uia auala e mafai ona tete’e atu ai i nei suiga i le taimi lenei – le tali.’

“Ia ua o tatou iloa uma ma silafia le tulaga ua i ai nei si o tatou atunu’u ua le faigofie fo’i nei aso, o lea e ao ai lava i a te’i tatou ona  fai ni galuega e alofia ai nei vaega uma.”

“E pei o le taofi o le so’ona susunuina o vaega fo’i nei e ono ‘a’afia ai le si’osi’omaga.

“O lo’u iloa i ai, afai lava tatou te fa’amoemoe e mafai ona o tatou fa’atinoina uma nei suiga uma ia o lea lava.

Na ia ta’ua o le tele o polokalame fa’alauiloa i le mafua’aga i suiga ma’aleale ua i ai nei le atunu’u o se itu e ao lava ona silasila i ai le taimi lenei.

“Ia e mo le silafia ai ua tele lava polokalame fa’alauiloa i nei vaitaimi e le gata i galuega ae o totonu fo’i o aoga.

“Ae pei o  tatou lava tagata o lo’o faI lava ma pei e le ano tele i lea tulaga, ma o se itu e ao lava ona fa’amuamua i lo tatou ola o lo’o ua i ai nei.

O lona talitonuga o le galulue malosi lava lea aua le aga’i ai le lumana’i.

“Ia ua taugata nei aso, e leai lava se isi mea e sili atu nai lo le galue lava o le tagata ia aemaise lava le faatauaina o a’oa’oga mo nai o tatou fanau.

“Ua o tatou iloa uma lava le taua o lea tulaga ua i ai nei, ma o se itu taua tele ina ia o tatou nofo uta uma i ai.

“A lelei lava fanau ma o latou ‘a’oa’oga ia o se fesoasoani sili tele lea mo nai o tatou aiga, aua e tatou te fai ioe uma lava le taugata ua i ai nei le tele o vaega aemaise o oloa ma auaunaga ese’ese i totonu o si o tatou atunu’u.

“Ia o lea lava le tulaga e tatau ona iai, o le taumafai lava aua le alualu i luma o so’o se taumafaiga i Samoa nei.

By Ilia L Likou 21 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>