Fesoasoani i aiga

By Ilia L Likou 21 October 2017, 12:00AM

O le ola tautua lelei o aiga o se itu na fa’ailoa e Junior Tyrell  e ao lava ona tu’u uma i ai le malosi.

I le fa’atalatalanoaga ma le Fofoga o Samoa i le aso ananafi na ia fa’ailoa ai o lo’o i ai lana ma’umaga o lo’o galue ai le taimi lenei.

“E mo le silafia ai o se itu lelei tele lea mo a’u lava ia, aua na uma loa le aoga tau su’e se galuega.

“Na alu alu ou va’ai atu ia e leai lava se tali vave e pei o lea le tulaga na ou taumafai ai loa mo se  isi fesoasoani e le gata mo a’u ae o lo’u aiga.

“Ia e pei lea lea ua ou i ai loa le taimi lenei, i le gagauina o le vao aua aiga ma le tele o vaega e tatau ona fa’atinoina.

Na ia taua o lo’o to’atele nisi o le aiga o lo’o faigaluega i le taimi lenei.

“Ae mo a’u lava ia e leai se tulaga e mafai ai ona ou  fa’amoemoe tele i nai ou tei, ae ou le alu a’u ia e su’e se mea e fesoasoani ai lo’u aiga.

“E pei o lea le tulaga na ou liliu ai loa e avea ma fai fa’atoaga ma o le taimi lenei  o lo’o o’u fesoasoani malosi lava mo le tele o vaega.

“E le fa’apea la o le a tu’u ai nisi o vaega e tatau ona fai, ae pei ona ou taua muamua ia e ave lava le fa’amuamua i aiga aemaise lona tausiaina.

O lona talitonuga e leai lava se isi mea e sili atu nai lo le taumafai e tausi lelei aiga aua le aga’i atu ai le lumana’i.

“Ia o lea lava le tulaga o i ai nei, o le fa’ato’aga ma avea ai ma fai fa’ato’aga ia e i ai lava taimi e i ai fa’afitauli.

“Ae a tu’u lava i ai le malosi ia o lona uiga o le a sologa lelei mea uma, ma o se itu e ao lava ona fa’atinoina aua le lumana’i manuia o aiga i aso uma.

“Ou te iloa lava e a’u ia o se itu e ao ona silasila lelei i ai aua le aga’i atu ai le lumana’i.

By Ilia L Likou 21 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>