O le tinā i a  Simalua o Savaia Lefaga, o lo’o fai ma ta’ita’i o le  falelalaga a le aualuma o le afio’aga o Savaia Lefaga.

O le afea ai e le Fofoga o Samoa i le aso ananafi sa ia fa’ailoa mai ai e 43 le aofa’iga o le aualuma a le afio’aga o lo’o galulue punoua’i mo le tele o galuega aua lava le atina’eina o totonu o aiga.

E aofia ai i galuega nei, asiasiga i totonu o le ‘a’ai, o le fa’asao faisua, ma le lalagaina lea o le ini’ini.

“E fai  le falelalaga a le aualuma o mea lava nei (galuega taulima) e aoga…ma e tago lava le tinā e fai aua lava lona aiga.

 “O le falelalaga a ia e sa le fala na o le ietoga o le ‘ini’ini, ona o lea fa’atoā amata (la’u i’e ini’ini) ae le’i uma…o le isi ‘ie o le ‘ie a si a’u tama.

“Ia ou te alu lava ta mai lauie , ia ona ou sau loa lea ua autala ma saka, fa’avai loa lea i po e tolu ia ma fa’agasolo ai loa lea o le saeina mo le amataina o le ‘ie, ua lima nei  tausaga talu ona lalagaina le ie lenei  i le falelalaga a le aualuma.

“E lua a’u ‘ie ua uma ona fa’atau, e ta’i $400 na ave ai ietoga e lua, e tele le sao o vaega nei i lo’u aiga.

“O le isi galuega o le leoleoga o le faisua (fa’asao a le afio’aga).

“O a’u lea ou te va’aia le aualuma a’i matou , ia o le fa’afitauli lava o le tua e tiga a uma lava, ia e mo’i lava …e tatau ona ou tago ita e taumafai.

“O le aualuma lava ia , tusa o i matou o lo’o faia asiasiga i le ‘a’ai, e i ai le asiasiga ‘autu ia ma totonu o aiga.

“O a’u  e fai le tauvala’auga ae le ioe e $20 ae a a le auai e $50 le sala.

“E leai se mativa e leai se fia’aai i totonu o Samoa, o luga lava o le paie.

O le taimi lenei e leai se isi o faigaluega o le aiga o e tinā ma  le fanau ae o galuega taulima ma ‘ie lalaga a le tinā o lo’o maua mai ai le fesoasoani i le tele o aso.

O le isi vaega o lo’o maua ai le fesoasoani o le aiga o se tasi o le fanau o lo’o fagota.