Ia manuia la’u fanau

Tusia Vatapuia Maiava ma Ilia L Likou ,

98 Hits

Sekolastika Tuloto o Mafafa, Falelatai.

Sekolastika Tuloto o Mafafa, Falelatai.

O lea le fa’amoemoega o le tinā i a Sekolasitika Tuloto o Mafafa, Falelatai e ui e le’o i ai se tasi o faigaluega ma fa’amoemoe i ai se tupe maua o le aiga.

O le afea ai e le Fofoga o Samoa i le aso ananafi, na fa’ailoa ai e Sekolasitika o le taimi lenei o lo’o taumafai i le mafai e fesoasoani ai i le atina’eina o le aiga.

“O le tele lava o vaega nei e mo mea fai  ae le gata i lea o le lotu aua o ala ia i fa’amanuiaga.

“O matou nei fo’i e vaivai lava le tala i le seleni, ua leai si o’u to’alua ma lo’u tama e pei o i la’ua na fa’amoemoe tele ai le tele o vaega ma mea fai.

 “O lo’u tama matua o lo’o aoga fa’apatele, ia o le mea lea e ola ai nei o le lopa ma le lalalagaina o ili ma fa’atau atu.

“Ia e pei ona e taga’i atu o mea nei o lo’o o si a’u fanau e fa’atau aua sa’iliga o tupe o mea fai o le nu’u ma le lotu aemaise lava le fanau.

 “Pe tusa o mea taulima lava lea e ola ai, ma e fua lava i tupe maua o le aso i lopa e fa’atau.

“Ia pe $5 i le ili e tasi , ia ma mea la nei o ula, e maua ai  seleni e o lava si a’u fanau i luga o le mauga ma aoao mai ai.

 “Ia ma o si a’u tama teine ua tasi lana tama ia e tu’u mai lava i a te a’u pepe ae alu lava e sa’ili vaega nei aua le fesoasoani mai ai i mea fai a lo matou aulotu, aua e mo’i lava i mea fai o le nu’u ia ae o le lotu lava aua o manuia ia.

 “Na o matou omai i le 2000, ia  e o si a’u fanau i galuega a tagata ia lea e fai ma maua mai ai sina tupe, e pei o galuega kamuta.

 “Ia o le taimi lenei o le matou fa’ato’aga ia e leai se matou talo o i ai, ia o le  lopa e aoao mai i le vaega e ta’u o le Fagaiofu…ta mai le tauaga ma fa’atau.

Na fa’ailoa e le tinā i a Mata’ia o le tele o vaega uma nei o lo’o taumafai ai lava le tausiga o le aiga i aso uma, ma o le agaga maualuga ia mafai ona maua se ola lelei o le fanau i aso uma.

“O le tele o taimi a leai se suavai ia ua o matou asuvai mai i le vaitafe o lo’o i lalo atu, ma o se tasi lea o tulaga faigata o lo’o feagai nei pe ā o’o ina leai se suavai.

© Samoa Observer 2016

Developed by Samoa Observer in Apia