Fa’amanatu galuega lelei a le Komiti a Tina ma Tama’ita’i o Afega

22 December 2015, 12:00AM

Ripotia e PaiMulitalo Ale 

Fa’aliliu e Maiava

O le Aso To’ona’i talu ai, na fa’amanatu ai e faletua ma tausi, o sa’oao ma tama’ita’i o le afio’aga o Afega, le fa’ai’uga manuia o fe’au ma galuega o lenei tausaga e ala i se fiafia sa faia i totonu lava o le afio’aga.

O le aso sa tulimata’ia e sui-ta’itasi, na matua fuli ai tina ma tama’ita’i e sasae-le-mata-o le-aitu i pesepesega ma sausaunoaga e taualuga ai galuega lelei uma o lenei tausaga ae maise fo’i le talia o le Aso Kerisimasi. 

O lea fa’amoemnoe, e fa’atino i tausaga ta’itasi mo tina ma tama’ita’i o le afio’aga. 

Na fa’aalia e Iupita Fata Eteuati, o se sui o le Komiti a Tina ma Tama’ita’i e fa’apea, o le aso lea sa tuli-mata’ia e tina uma e fa’ailo ai le fa’afetai ma le fa’amalo ona o galuega e tele sa feagai ai i le tausaga atoa.

“O se avanoa manaia tele e fa’atasitasi ai ma fiafia, ua i’u-manuia fe’au ma galuega o lenei tausaga,” o lana fa’aaliga lea. 

“Ioe, o se tausaga e matua tele fita ma faigata, o lu’itau masani lava o le ola nei ae fa’afetai tele ua mafai ona taunu’u i lenei taimi, e fa’amanatu ai ma le loto fiafia mea lelei uma ua faia.”  

Sa ia momoli fo’i le fa’afetai i le Peresetene o le Komiti a Tina, o Muli’aga Jean Malifa ona o le galuega fita sa finau ai aua le atina’eina o faletua ma tausi ma tina uma o le afio’aga.

Na fa’ai’u lea fa’amoemoe i le fale’aiga o le Kokobanana sa fa’aauau ai pea fa’afiafiaga ma alo ai loa i se taumafataga tele.

22 December 2015, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>