O ai a totogia?

By Vatapuia Maiava 23 December 2016, 12:00AM

“Ia o le tulaga lea ua i ai ua tele le taugata o le tau o le soifuaga o lo’o ua i ai nei.” Peni Setefano, 72 le matua o le soifua o Si’usega.

“Ua tele tagata fai mai o le manaia ma le fe’ilafi o moli ma atina’e  o lo’o ua i ai nei, ae ao ona iloa e tagata i le long run e suffer  a tatou fanau i le totogiina o aitalafu i le lumana’i.

“O a’u ia o le matua’i o’u popole ma va’ai alofa i si a’u ia fanau, aua  fo’i a mavae atu matou o latou o le a tigaina i le lumana’i.

“O le a o latou amoina le pologa o a taeao.

“Ia tu’u atu le tele o le taugata o oloa o lo’o ua i ai nei, ia e le taitai ona lava se tagata se to’atasi o faigaluega ona tausi lona aiga.

“O lo matou aiga e na’o le tasi le tagata faigaluega, ma e ta’u sa’o atu lava e tusa pe to’alaiti aiga , e le taitai ona lava ai le fa’asoa.

“Ou te iloa o le to’atele o tagata e le manana’o e fa’asoa mai le tulaga sa’o olo’o ua i ai nei lo tatou atunu’u i le taugata o le tau o le soifuaga o lo’o ua i ai nei.

“O lo’o o tatou feola i se atunu’u e sa’oloto le fa’ailoaina o lagona.

“E le mafai ona iloa mai le palemia o tatou tagata ma leo pe afai na’o le nonofo lava.

“Ia o le mea lea e i ai le taimi lenei, ia na o se taimi lava e va’ai atu ai le tupe ia ona toe uma lea.

“Aua fo’i ua tele le taugata o oloa, o le a le totogi e fiaulavale mai le taimi lenei, e tasi lava le aso e fa’aaoga ai.

“E fa’ai’u lava le aitalafu.

“O le tele o le mau atina’e o lo’o ua i ai nei, ia matua’i o’u le talitonu ai lava a’u ia, aua fo’i o le isi mafua’aga lea o le taugata ai o le tau o le soifuaga.

“E tau avatu tupe e tau totogi ai le mau aitalafu o lo’o ua i ai nei si o tatou atunu’u.

“O a’u lava ia na’o a’u, na o sina talosaga i  le malo, se’i toe silasila ma sasa’a le fafao semanu o maua le taimi.

“Si o tatou atunu’u i fa’atau atu i nisi atunu’u i le lumana’i pe a le gafatia ona toe totogi atu le mau aitalafu o lo’o ua i ai nei.

By Vatapuia Maiava 23 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>