Na’o sina taimi e va’ai ai tupe

By Sarafina Sanerivi 23 January 2017, 12:00AM

O le talitonuaga o le tamā i a So’o Sevao o Vaitele-Fou o lo’o ua i o tatou laufanua le mativa.

 “O le itu mautinoa lelei o le taimi lenei ua matua’i faigata lava le soifuaga o lo’o ua tatou i ai nei.

Na ia fa’ailoa mai le $100 o lona totogi i le vaiaso e le umi se taimi se taimi e fa’aaoga ai.

 “Out e faigaluega mai lava  i le aso Gafua se’ia pa’ia le Aso Faraile ma o le aofa’iga lena o le tupe ou te mauaina.

 “O a’u ia i le taimi lenei pe a fua atu le tau o le soifuaga ma le totogi o lo’o ua mafai ona ou maua a ou le alu ou te faigaluega o lona uiga e pagatia si o’u aiga.

 “O le itu mautinoa o le tupe o lo’o ua ou maua i lo’u totogi e matua’i le mafai ona kava ai le tele o le mau mea fai, aemaise o le a toe fo’i le tele o tamaiti i le aoga.

Na ia fa’ailoa o le pagatia o lo’o ua i ai nei Samoa e le’o se mea fa’atoā tupu ananafi.

 “E ao lava ona aua ne’i o tatou nofoa’i a ia fa’ailoa vaega nei i le malo.

 “I si o matou aiga, ia e tau fa’asoasoa lava le tausiga i le totogi o lo’o ua matou mauaina.

 “Ae ao lava ina o tatou tu tu fa’atasi ma le loto e tasi e fa’ailoa mea nei o lo’o ua tatou pagatia ai le tele o taimi.

 “O lea le tulaga o lo’o ua i ai nei.

 “O le itu fa’anoanoa ona e faigata lava ona fa’ailoa pe tautatala fo’i le tele o tagata o le atunu’u i mataupu nei e pei o le mativa, o le le tagolima, o le tau fa’asoasoa o mea uma ona o le taugata o le tau o le soifuaga.

Na ia ta’ua o le taugata ai o le tau o le soifuaga ua avea lea ma mafua’aga ua aitalafu ai le tele o tagata.

“Ia e pau lea o le auala o lo’o ua sulufa’i ai tagata Samoa, ma ou te talitonu lava a’u o lo’o ua tatou fai lagona lava i le itu lava lea e tasi.

 “E pau lava lea o lo’o ua tua i ai. O le aitalafu ma o se itu e ao lava ona silafia e le malo ina ia tau alolofa mai tau tu’utu’u i lalo le tau o oloa ma auaunaga ese’ese.

 “E ao lava ona o latou iloa lo tatou pagatia ai aemaise o lo tatou taumafai e sailia se fesoasoani.

He urges the government to hear the voice of the voiceless.

“O la’u ia lea tatalo i le malo, se’i tau lagona mai le taualaga o lo’o i le tele o tagata ma ia vave fai se fuafuaga.

“E ao ona silafia e le Palemia.

By Sarafina Sanerivi 23 January 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>