Maoa’e fa’atinoga a le Taumeasina
O le agaga fa’afetai na fa’aleoina e le Pule, Nathan Bucknall o le Faletalimalo o Taumeasina i le mafai ai lea ona maua le avanoa e ausia ai nisi o fa’ailoga tauoloa e lo latou faletalimalo e ui o lea fa’atoa amata.
O le 19 ai lea o masina talu ona tatala faitoto’a o le faletalimalo i Samoa ae ua fa’ailoa e Nathan le fa’afetaia ai lea ona o nei tulaga ua mafai ona o latou ausia.
E le gata i lea ae o le tele ai o vaega tetele ua mafai ona o latou talimalo ai e le gata o le malo, ae o nisi o atuuu tetele o lo’o ua autova’a mai le atunu’u ma afea la latou auaunaga.
O le vaiaso na se’i mavae atu nei na maua ai e le Taumeasina le Sili Aoao i le Tauvaga o Fa’ailoga Tauaoloa a Turisi ma se tasi o fa’ailoga o le tumama.
Na fa’ailoa e Nathan o nei vaega ua ausia o le sao tele lea a le aufaigaluega o lo’o galulue punoua’i i le ao ma le po mo le atunu’u.
O a latou galuega lelei lona fa’atinoina ua mafai ai ona ausia nei vaega e pei ona i ai le fa’ailoga lea na o latou mauaina i le po o le Aso Faraile.
E 12 vaega sa vaevaeina ai lenei tauvaga ma na tu’ufa’atasia e le Komiti o le Pulega o Tagata Maimoa mia Fafo i Samoa nei ma na fa’ataunu’uina i le faletalimalo o Taumesina, Moata’a.
O le palota mo i latou e tatau ona auai i lea tauvaga na lafo lea i a’i latou na mafai ona autova’a mai atunuu i fafo ma asia so’o se vaega o le atunu’u.
O le afioga i le Minisita mo le Pulega o Tagata Maimoa mai Fafo, Salā Fata Pinati na saunoa i le saunoaga autu o le po.
“O le avanoa lelei lenei e fa’afetaia ai tatou aufaipisinisi, o le alamanuia tau tagata tafafao maimoa, i pulega ae faapea foi o le aufaigaluega o loo fai mo i latou le matafaioi o le tali malo lelei,” Salā i lana saunoaga.
“O le po lenei ua atofaina lea mo le laugatogi o le Tausaga o suesuega e fa’atumuina e tagata Tafafao maimoa e aupito sili le lelei faatino o vaega o auaunaga ae faapea me mama i la latou matau i le vaevaega ua i ai nei.
“Ua maea le survey sa amata mai lea i a Fepuari se ia fa’aiu Oketopa i le tausaga ua mavae nei ma e silia ma le 10,000 e na fai ai le suesuega.
“Out e fa’amalo ai kamupani ua ausia matati’a ma ua fa’atauaina i lenei po, fa’amalo le tauatai ma le maelega aua Samoa.
Silasila i le itulau Peretania mo le atoaga o fa’ailoga na mafai ona manumaloina e nisi o le au faipisinisi o le atunu’u.