O le maua ai o le fa’atalatalanoaga le Fofoga o Samoa ma le tamā ia Silao Ikeasio o Soloslo sa ia fa’ailoa ai ni manatu e uiga lenei vaitau ma lona soifuaga. 

Sa ia fa’ailoa ai foi o le fanau lava i fafo o lo’o fa’alagolago malosi ai i tupe. 

“Ia o matou e fa’alagolago lava le fanau i fafo i tupe, peitai ua iai lava sina manatu laititi e fai foi o lenei ao lena. 

“E pei o mea’ai lava ia o lo’o lava ae o tupe ia ua faigata lava ona maua...e mo’i lava o lo’o i ai tagata faigaluega ae le taitai ona lava le fa’asoa.

Aepeita’i e ui lava i le fa’afitauli i vaega tau tupe ae pei o mea totō o lo’o lava i le taimi lenei.

“Ia talu na omai mai tai Sogi ia matua’i tele lava le suiga i le mea lea e i ai.

“ E pei o tai latou e pu mo’omo’o le nofoaga sa i ai, e pei e leai lava ni vaega e mafai ona totō ai vaega nei.

“ Ia o mo mea o la’au toto uma e pei o mea’ai ma nisi o vaega, ia o le taimi lenei ua mafai ona fa’atau fa’i ia lea fo’i fa’ato’a uma atu le fuata.

“E leai se agaga ia fa’atau ni mea’ai tusa a sau lava le tagata e sau e mana’omia e ave lava, ia pe lima talā pe leai ia ua lava lea. 

“O si o matou aiga e pala ia o mea’ai ma e tele ina ‘a’ai mai si o matou pitonu’u, ia o lo’u ia va’ai ia e pei o si o’u tamā e ana uma nei galuega, ina ia manuia i matou ma le fanau ma le to’alua.

“O lea le agaga lea e ala ai ona naunau e la’u so’o se vaega i le palapala, ia a uma atu ia ae le’o fia ‘a’ai i matou. 

“Ia ae mo isi fo’i tagata, o lea va’ai e ola lava mea lelei le palapala ia e pau lava le itu o lo’o fesoaosoani , ia e i ai taimi e leai se tupe ae lae maua fua mea’ai.

“Pau le fa’afitauli lea e feagai ma a’u i’inei o le suavai.  

“Mo le silafia i si o matou nu’u nei e iai lava le vai tumaoti, ia e fa’alagolago lava i pulega a le nu’u. 

“Ia o le paipa lava ia e le tatalaina mai le po ae na’o le taeao, i lo’u lava ia manatu na’o a’u e le talafeagai lenei tulaga. 

“Aemaise o a’u e iai si o’u tina matua le fale ma o ia foi e mana’omia lava le vai i po. 

“O le ala foi lea ua talosagaina ai se tane vai ona e le ola le vai le po.  

 “O le talosaga tele i le mālōina ia mafai ona au mai ni tane vai  fesoasoani ai lenei fa’afitauli.

E maua le feso’otaiga ma Silao i le 7252030