Fa’afotutupu le suafa Faualo i le afioaga o Apia

By Deidre Tautua-Fanene 23 September 2018, 12:00AM

O le vaiaso na te’a nei sa fa’afotutupu ai le afioga ia Salā Mulitalo Lupe Chan Mow i le suafa Faualo i le afioaga o Apia.

O lenei sauniga sa amatalia i le misasā sa fa’atautaia i le Kafitala i Mulivai i le taeao.e Patele Falaniko Matulino.

Na mae’a lea ona faia lea o le fa’afotugatupu i Apia lea sa fa’apaiaina ai e le fa’afeagaiga ia Fiti Aloalii o le ekalesia Polotesane i Tauese.

I lea sauniga sa fa’amalosi’au i le ua se’ei mai i le fo’i suafa le auga ua tofia ai ia e le aiga e tauaveina lea suafa.

O le fa’amoemoe atoa ina ia tausia le aiga ma le alofa ma le fa’amaoni.

I le fa’atalatalanoaga a le afioga ia Faualo ma le Samoa Observer sa ia ta’ua ai lona loto fa’afetai i ona aiga mai atunu’u mamao fa’apea ai nai ona alo aemaise o le latou aiga atoa ona o le latou lagolagosua.

“O le auga lava ia o lenei fa’amoemoe o le fia tautua lea mo le aiga, nu’u aemaise o le ekalesia,” o le saunoaga lea a le afioga ia Faualo. “O le mea moni lava ia o le fa’amoemoe ina ia iai se sao i totonu o le aiga ma ia aogā le olaga mo le aiga aemaise lava le ekalesia ma le nuu.

“E fa’afetai ai le agaga i le Atua ona sa fa’ataunu’uina ma le manuia lea fa’amoemoe.

“Fa’afetai ai i fa’afeagaiga, o le tino matutua uma lava o le aiga sa fa’apea ona auai aemaise lava o si o’u aiga ma si a’u fanau ona o le latou lagolagosua i lea fa’amoemoe ua i’u ai ma le manuia.”

By Deidre Tautua-Fanene 23 September 2018, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>