Ua taugatā lava le tau o le soifuaga

By Vatapuia Maiava 23 December 2016, 12:00AM

O lea le talitonuga o le tinā i a Fiapule Seupule, 60 le matua o le soifua o Faleula i le fa’atalatalanoaga ma le Fofoga o Samoa i le aso ananafi.

“Ia ou te ta’utino lava a’u ia i le tulaga o lo’o ua i ai nei ia ua alu i luga le tele o le tau o oloa o lo’o ua i ai nei.

“O se vaega ua loa ona silafia e le tele o nai o tatou tagata , ia ae ou te iloa lava e a’u  e leai se isi vaega e pito sili ona taua nai lo le galue lava o le tagata ia.

“O le itu mautinoa, o lona uiga a fa’atu’utu’u i ai, ia e le ai i le olaga atoa.

“E mo le silafia ai o si o matou aiga e to’alua tagata faigaluega ma a aumai totogi ia e le taitai ona lava le fa’asoa.

“Aua fo’i e le tetele ni totogi o le fanau e maua mai, ia o lo’o tele nisi o le mau mea e ave i ai.

“E pei o lea lava le fa’aosofia’aga ai o le taumafai loa e fa’aaoga le lauele’ele o lo’o ua i ai nei e to to ai fuala’au ‘aina.

“Ia lea la e pei ona tau mai ai lenei taeao, ia o lea lava la ua alu ai lava.

Na ia fa’ailoa o lo latou fanua o lo’o tele lava fuala’au aina o lo’o ua totō ai le taimi lenei.

“Ia o lea la ua amata ona la’u mai i luma i’inei ia o lea lava e fa’atau atu i tagata o lo matou nu’u ma nisi o lo’o feoa’i i le taimi lenei.

“O nisi lava o taimi ia ua omai tagata , a ta’u atu ai tau o kukama lea e fa’atau ai, ae omai fo’i latou e manana’o e fa’atau i a latou tau.

“E pei o lea le fa’afitauli i a te a’u i le tele o taimi ou te sau ai luma nei e fa’atau vaega nei.

“Ae tatau na iloa e tagata ia e le faigofie fo’i le taumafaiga o nai ia atina’e e mana’omia fo’i e matou ni tupe lelei e maua mai i fa’atauga nei.

“O le agaga fiafia ia e feololo lava la’u seleni e maua mai i aso ta’itasi, e pei o lea le fa’afetai i a te a’u i aso uma. 

“Ia o lea la ua ola ai lava si o matou aiga i lenei vaitau mai  fuala’au ‘aina nei.

By Vatapuia Maiava 23 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>