Ia avea a’u ma Fetu Pupula o le Musika

By Vatapuia Maiava 23 December 2016, 12:00AM

“Ia o lea fo’i ua tu’ua aoga ia o lea lava le miti o lo’o i a te a’u i le taimi lenei , ma o lea miti e mai lava le taimi o o’u laititi se’ia o’o mai le taimi lenei.” Mika Roparti, 17 tausaga o Vaitele-Uta.

O le tausaga fou o lo’o ua fuafua Mika e toe fo’i ai le aoga po o le Kolisi o Faleata o lo’o aoga ai aua lava le tulituliina o lea miti o lo’o i ai le taimi lenei.

“O a’u e le’i leva na ou iloa ta le piano, ma na ou alu fo’i le aoga ta piano, o le mafua’aga lea o le naunauta’iga o lo’o ua i ai nei, ia avea a’u ma fetu pupula o le musika i le lumana’i.

“O le isi itu e fa’aosofia ai lava a’u ina ia ou iloa tele lea taleni, ona ou te fiafia fo’i ou te alu i le lotu, ma o le ave ai o le ola mo le Ali’i aua le taina o ona vi’iga o se fiafiaga lea i a te a’u.

“O a’u ou te aufaipese fo’i, ma o taimi uma lava e ta ai pese, ia ou te fiafia lava e fa’alogologo ai, e le gata mo la matou aufaipese ae o nisi aufaipese.

“Ou te iloa lava e moni e tau leai sa’u tupe e maua ai pe a ou matua, ae a ofo a le ola e auauna ai mo le Ali’i ia e le taufesiligia fa’amanuiaga.

O a ni vaega o lo’o ua e iloa e mafai ai lava ona avea oe ma fetu pupula i le musika?

“Ia o le tatalo lava ma usita’i i fe’au o lo’o faia i le fale i aso uma, e leai lava se isi ki i fa’amanuiaga ia o le auauna lava i le aiga.

“O le isi itu o lo’o ua ou tilotilo ai le taimi lenei, ia toaga e fai mea aoga, aua o le musika ia e mana’omia fo’i ona lelei le ola a’oa’oina lelei.;

“Aua e leiloa lava le matua, ia maua sina avanoa e alu ai fafo e fa’alautele le iloa ma le poto i le musika ae o lo’o faigofie feso’ota’iga ma nisi i le Gagana Peretania.

“Ou te fa’afetai ai le Atua, ona o lea lava ua ou va’ai atu o le a i ai se aso ou te ausia lelei ai lenei miti.

“Ia mo le taimi lenei , ia e le tele lava ni vaega o tapena ai mo le Kerisimasi latou ia, ia ae o lo’o ua tapena atu ai mo le toe foi i aiaga.

By Vatapuia Maiava 23 December 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>