Fa’atalanoa e Lotofaga le tete’e atu i sauaga
Ilia L Likou
E latalata i le selau e na mafai ona auai i se fonotaga sa fa’ataunu’uina i le le itumalo o Lotofaga, Aleipata aua lava le tete’e atu lea i sauaga i tinā ma tama’ita’i.
O le saunoaga autu o lea aso na saunoa ai le sui Komesina o le Malo o Kanata i Samoa i a Christian DesRoches.
I lana saunoaga na ia fa’amanino ai o Kanata sa le’i mafai ona talanoa tele i tulaga nei i tausaga ua mavae ma foliga mai ai e leai se mea o tupu.
“Na amata ona tu’uina mai i luma vaega nei ina ua mautinoa o lea le auala e aupito sili ona lelei e mafai ai e tinā ma tama’ita’i nisi o vaega taua.
Sa ia fa’ailoa mai fo’i o le afa o le faigamalo o Kanata, o le afa o le kapeneta o tama’ita’i.
“O le mea moni ma le mautinoa o lo’o ua tula’i mai o le fa’ailoa ai o vaega nei o lo’o punitia ai sa’olotoga o tinā ma tama’ita’i o se tulaga lelei tele lea mo le aga’i atu ai mo le lumana’i ma o le manuia fo’i lea o so’o se atunu’u.
“O le fa’asoa ai o fa’aitauli aemaise o le tali atu ai lea o se vaega e ao lava ona fa’ataunu’uina iona ia mafai ona fesoasoani ai i le tele o tagata.
Sa mafai ona fa’atinoina siva ma pese faitaga e fa’ailoa atu ai pea le tete’e atu i sauaga.