O le ala i le pule o le Tautua

By Aruna Lolani 26 May 2017, 12:00AM

O lea le talitonuga o le Palemene Asasenifili o le afioaga o Salelesi ma Eva i le maua ai o le fa’atalatalanoaga ma le Fofoga o Samoa le aso ananafi. 

E 50 tausaga le matua le soifua ma sa ia fa’ailoa le tele o ana tiute fai i totonu o lona aiga.

“O a’u mo le silafia le leai se to’alua po se galuea ae o lo’o iai lo’u matafaioi i totonu si o matou aiga. 

“Ou te le mana’omia foi se galuega po se fesoasoani foi aua o lo’o o’u mana’o lava e tausi si o matou aiga i mea lava ou te mafaia. 

‘Ou te talitonu lava o le ala i le pule o le tautua ma o lea foi le naunautaiga i lo’o ia te a’u nei. 

“O le tele o tatou e fa’amata e faigofie mea e fai peitai a tatou fa’atino loa ma fai le galuega ona faigata lea.

“O le tautua e le’o se tulaga faigofie lea ma e le faigofie lava. 

“O le avea ai ma tavini i se isi itu  o le faia lea o galuega uma ma tautua i le alofa, onosai ma tautua lelei. 

Sa avea le tama le Palemia ma le ala fa’ataitai. 

“Ia pei o le Tuilaepa le Palemia o Samoa. 

“Ou te iloa o ia se ta’ita’i lelei ma le tautua matavela, aua e le taumate lava le Palemia ona o lana tautua. 

“Aisea tau te le pei ai o le Palemia? Aisea tau te le tautua ai ma le matavela fa’amaoni ma le tautua alofa? 

“Aisea e le fa’ataitai ai i e ua ave ma taitai le tautua matavela. 

“pau lava le tali o nei fesili o le tautua nei loa ona iloa ai le ao  le tali mulimuli. 

Sa taua foi e Palemene, o le tagata fa’amaoni i mea iti e tofia e pule i mea tele. 

“Ia avea le Palemia ma nisi o taitai e fai ma fa’ataitaiga i tupualaga  ma tagata uma . 

“O le fa’ataitaiga sili foi lea ia te a’u aua e le sala lava upu anamua o le ala lava i le pule o le tautua. 

“A tautua fa’amaoni, loto onosai ma le alofa, o oe se taitai au lelei ma le manuia le lumana’i, ae a fai  na le fa’alagolago lava i nisi e faia galuega ia o le tali lava o le ola fa’alagolago  

 

By Aruna Lolani 26 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>