Mana’omia lou galue

By Ioana Tupa'i 26 November 2017, 12:00AM

E manaomia lou galue ae aua nei e nofonofoa’i ina ia mafai ona e tali atu i faafitauli o lenei olaga ma aua ne’i e faasea ona o le taugata o le soifuaga.

O le talitonuga lea o le tama ia Fa’aleaga Kalolo 47 tausaga le matua mai le afioaga o Lalomanu Aleipata.

Na maua atu e le Fofoga o Samoa le tama ia Fa’aleaga ua agai atu i lona aiga i le maea ai ona agai atu ile faatoa’ga e tapena mai le to’onai a le aiga aua le Aso Sa.

“O au e toafa lau fanau, o le isi toalua o loo aoaoga i le taimi nei ae o le isi toalua o loo I le fale ae o loo iai le fuafuaga e a’e le isi toatasi i le aoga i le tausaga fou.”

“E toatasi le tagata e faigaluega i le matou aiga ae o le tele lava e faalagolago i le maumaga aua le tausiga o si ou aiga.”

“E toavalu tagata o lo matou aiga ae o loo matou nonofo faatasi uma lava. Mai lea toavalu e toatasi lava le tagata e faigaluega lea o loo faalagolago iai.”

“O au i le maumaga ae o si ou toalua e nofo I le fale e faatino feau masani o le aso.”

“O le olaga i tua nei ia matou e fai lava si faigata faatusatusa atu lea I le taulaga ma nu’u tūlata I le taulaga.”

“Taugata le soifuaga ma taugata atu ai lava ma oloa I faleoloa. O le tau o aano o manufasi e taugata,e le gafatia ona faatauina.”

“A ou foi mai i lou maumaga ona agai atu lea i le sami e fagota ina ia maua mai se I’a e fai ai le meaai a le aiga.”

“Ou te talitonu a e lē galue e tele lava faafitauli o le olaga e fa’afesagai ma oe.”

By Ioana Tupa'i 26 November 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>