Faigata lava aso - Fofoa
O le saogalemu ai o maota ma laoa o se itu taua tele lea i le soifuaga o so’o se tagata soifua.
O lea le finagalo o Fofoa Salesio o Saleimoa Lotoso’a i le Fofoga o Samoa i le aso ananafi.
“Ia o le taimi lenei ia e le’o lelei lava se tulaga o i ai le fale nei ona e pei ai mo le silafia e fai lava sina tutulu aemaise lava le vaega tonu o lo’o i ai le mita.
‘O se itu faigata tele lea mo le silafia.
O le taimi lenei e leai se isi o le aiga o mafai ona faigaluega.
“E mo le silafia ai o si o matou aiga ia e fa’alagolago tele i le lauele’ele lona tausiga.
“o le itu mautinoa o lo’o i ai ma le fanau, ia o lenei o le a toe a’e aoga ia e pei o lea lava le fa’afitauli.
“O le utiuti lava o le fa’asoa o le uiga o la’u tala e le mafai ona ola fa’asamasamanoa nisi i lenei vaitau e ao lava ona fesoasoasni i so’o se mea aua vaega fa’atino uma o le aiga.
Na ia ta’ua o le isi tulaga faigata o lo’o ua feagai ai nei o le suavai maua.
‘Ia ua o tatou iloa uma lava le faigata o le soifuaga o lo’o ua I ai nei , a fa’aopopo atu ai ma le fa’aletonu o le suavai maua.
‘Ia e pei ua atili ai ona faigata le soifuaga, o lo’u lava ia iloa i ai, o le mafai lava lea ona galulue i so’o se vaega ua mafai ona maua e o tatou lima.
‘Aemaise ai lava le soifuaga o lo’o ua i ai nei, e faigata mea uma, ae o le uiga o la’u tala a le galue ia e le ai foi.
‘Ae pei o si o matou aiga, ia o lea lavale tulaga e pei onaua maea ona fa’ailoa atu i le taimi lenei ua matuai faigata lava mea uma.
‘E leai lava se isi mea o mafai ona tilotilo atu ai le taimi lenei nai lo le galue ia mafa’atino o so’o se galuega e mafai ona tausia ai le aiga.
‘Aua o tatou iloa uma lava ia ua matuai faigata lava nei, e leai se tulaga foi le le o le nofonofo ae fa’amoemoe i vavega.
“Leai, a le galue ia e fa’apena ona falolo!