E leai se mativa i Samoa?

By Vatapuia Maiava 27 August 2016, 12:00AM

Ata pueina: Misiona Simo

E anoano mau e faapea e leai se mativa i totonu o Samoa ae o matou mata e ta’u atu ai i taimi uma se tala e ese ai mai tala e faalogoina e o matou taliga.

.O loo i ai tamaiti e faatauina ati oloa i soo se nofoaga, tagata aisi i lua o ala tetele ma afai e  faaalu e se tasi sona taimi  e alu atu ai i lana taavale i nofoaga i totonu o le taulaga-o le a e vaaia e faapea o le mea moni lava-o loo i ai tagata o loo soifua i lalo ifo o lea laina o le mativa.

O se tasi o tamaiti mai Poutasi ma Falealili ua na iloa le tulaga faigata o le soifuaga i totonu o le nuu  ma ua fai si faigata ona faafoe. Ua matua faigata lava ona soifua i aso uma, sa tausi e Nive Tulaga ona tina matua ma tuuina atu lana fanau e to’alima i le a’oga ae pau o le mea na ia maua o le faatauina atu lea o fua o faaeleelega mai lana faatoaga itiiti. “O le Soifuaga i nuu i tua ua matua faigata lava,” o lana faaaliga lea i le Samoa Observer.

Ua leai sa’u galuega i le taimi nei talu ai na talosagaina a’u ou te sau iinei e vaai le aiga ae o loo o’u taumafai i le taimi nei e saili se isi galuega e fesoasoani ai i mea uma iinei i le aiga.Matou te manaomia  tupu e fesoasoani mai i le soifuaga i aso uma; o loo i ai sa’u  tama i Apia o loo faigaluega ae latou te manaomia se fesoasoani  e lagolago ai lo latou lava aiga ae mo i matou-o loo matou tauivi.” “O lea faatoa matou maua pili o a’oga a matou fanau ae matua taugata lava aemaise ai lava pili mo le School C ma le S.S.L.C”.

E ese ai mai le mafai ona maua o soo se tupe lelei, sa ta’ua foi e Mrs. Tulaga e faapea o le tau o le soifuaga ua matua maualuga tele ma o oloa i faleoloa ua faasolo ina matua taugata lava.

“O le tau o le soifuaga ua matua maoa’e lava i aso nei,” o lana faaaliga lea. A leai sau galuega-o lona uiga- o le a le a’ai lau fanau….e faigofie lava faapena; i le taimi nei o loo matou ola i le matou faatoaga ma o le punavai foi lena o a matou tupe.

“Ua matua anoano mea e fai i nuu i tua ma ua matou le iloa pe o fea matou te maua ai ni tupe e fai ai nei mea uma.”

Ae o le a le mea e mafai ona fai e fesoasoani ai ia i latou o loo tauivi ma lea tulaga?. Na ofo mai e Mrs Tulaga se vaifofo mo le Malo o Samoa. “O i latou (le malo) e tatau ona latou sailia ni faiga fou e faavae ai ni galuega mo tagata o loo i nuu i tua,” o lana faaaliga lea. “Na ‘ou talosaga mo se galuega i le T.A.T.T.E. ae o le latou tala ia te a’u-ia ‘ou faatali- ma o lea lava ou te faatali; Ou te faafetai le Flea Maketi lea sa ‘ou faaaogaina e faatau atu ai a’u oloa. “Sa ‘ou galue foi i le Sea Food ae le lava le totogi e lagolago ai le aiga; o loo avea a’u i le taimi nei ma tagata e tausia lo’u tina.”’ “Ua matua faigata lava ona tausi se tasi pe afai e le lava au tups. A matou maua lava le faalifu-o lena e fafaga ai lo’u tina; a matou maua foi sina tupe-ona matou faia lea o se mea lelei e sili atu mo ia; ma afai e na o le ti –ona pau lena o le mea e mafai ona matou tuuina atu mo ia.”

By Vatapuia Maiava 27 August 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>