Ua tele suiga

By Ulimasao Fata 26 December 2017, 12:00AM

O le si’itia ai o  le au faipisinisi a Saina i Samoa o se tasi lea o vaega ua tulimata’ia nei e le tele o  le mamalu o le atunu’u.

O lea le finagalo fa’aalia lea o le tamā i a Apulu Sapati o Faleasi’u.

 “O le itu taua lava o i latou nei o lo’o mafai ona maua ai avanoa faigaluega o nai o tatou tagata aemaise o le tulaga lea i le taumafai ai pea ina ia fa’ailoa o vaega uma mo le lelei alu i luma.

 “Ia a o tatou va’ava’ai atu fo’i le tele o le mau oloa ua o tatou i ai nei e pei  o lea lava le tulaga o lo’o ua mana’omia e nai o tatou tagata.

“O se itu e mafai ai ona fa’amama avega i lenei vaitau aemaise o le aga’i atu ai le lumana’i.

“O le itu mautinao o le leai lea o ni vaega e mafai ai ona silasila lelei i ai aua vaega nei, ua le mafai lava se faiga i le tau o le soifuaga o le itu mautinoa lava lea i lo’u iloa i ai.

“Ia o tatou taumafai pea e atia’e  nai o tatou aiga aua o le lelei lea o le aga’i atu ai le lumana’i.

Na ia fa’ailoa o le tele o faleoloa mo tagata Samoa lava ia ua toe o i lalo le tele o latou tau ma o se itu e le lelei tele lea.

“O le mea lava e ao ona ave ai le fa’amuamua o se itu taua tele lea aua le aoga ai pea o galuega fa’atino mai lea aso i lea aso.

“O le taumafai ai lava e una’i pisinisi mo nai o tatou tagata aua e pei o lea lava le faigata o lo’o ua i ai ua aga’i tele nai o tatou tagata i Pisinisi Saina.

“O totonu lava ia i Savai’i lea o lo’o matou nonofo ai ia o le ata moni lava lea ua tele ina foi nai  o tatou tagata i bbq ae o le au saina ua o latou faia faleoloa ma fa’atauina atu I nai o tatou tagata.

By Ulimasao Fata 26 December 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>