Galue ae aua le faalagolago

By Aruna Lolani 16 May 2017, 12:00AM

E leo na’o le faigaluega i le ofisa e maua mai ai le seleni mo le tausiga o aiga ma fanau, e maua mai foi i lou galue lava o oe ia i le faatoaga ma le maumaga.

O le manatua taula’i lea o le alii ia Tauinaola Levi, 30-tausaga le matua mai le afioaga o Faleatiu.

O Tauinaola o ia o se tausi-aiga e le faigaluega ae pau lea o lana galuega o lo’o faia ua na’o le galueaina lea o le fanua mo lona aiga

“O la’u galuega lava lea o lo’o fai i aso uma e o lava le au faigaluega latou ia ae out e usu e fai feau masani ma toto ma sasa sina vao mo le faamamaina o le faatoaga” o lana tala mai lea i le Fofofga o Samoa

“O nei aso e pei ua faamoemoe klava le tele o tagata i tupe o lo’o maua ma ii totogi ae ia te au lava ia e sili lacva le faatoaga nai lo le faalagolago iai

“O nei vaitau o tupe lava ua talanoa ai le toatele ma atonu o le ala foi lea ua le toe fia gaulue ai nisi o tagata i le faatoaga ona ua faamoemoe tele i le tupe mai le galuega

“A fua atu i lenei vaitau ma aso ua alu sa faamoeoe lava tagata i le faatoaga ma le maumaga ma o leisi lea seleni pito i tele a nisi o aiga i aso ua mavae ao nei aso o le galuega lava ma ua faagalo ai le faatoaga

Ua maitauina e Tauinaola le tele o faigata ma luitau o lenei olaga ua feagai nei ma tagata. O tauinaola e leai sona aiga ma sana fanau ae o lana auaunaga mo lona aiga o le galue malosi if eau ma galuega ua tuu iai.

“O aso la sa taugofie lava le tau o le soifuaga aua sa galulue lava tagata i la aso ao nei aso ua faapalapala ma faavaivai

“Atonu o le ala lea ua maualuga ai le tau o le soifuaga ma e avea foi ma luitau i nisi o tagata i le toe foi lea e galulue i le faatoaga aua o lo’o nana lava i le eleele le tele o le mau seleni

“O nei aso o seleni uma mea uma fai o mea fai a aiga, ao le nuu foi ma le ekalesia ua talanoa lava i tupe mea uma 

“Ae le taulia ai pili o le suavai ma le moli ya fai lava sina taugata ma ua le gafatia ai lava e nisi o aiga le totogiina o pili

Na ia taua foi, e tuuaia lava le tagata ma lona le galue malosi mo lona aiga ae aua le ola faalagolago

“A galue lava le tagata ia mo lona aiga ae aua le ola faalagolago e leai se mea o lea sue gata ai fua ni meaai mo le tausiga o aiga ma fanau.

By Aruna Lolani 16 May 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>