Faamanuiaina le talosaga a Faumuina,ua lē agavaa Le Tagaloa

169 Hits

Faumuina Tiatia Liuga ma Le Tagaloa Dr. Pita Ala’ilima.

Faumuina Tiatia Liuga ma Le Tagaloa Dr. Pita Ala’ilima.

Lanuola Tusani Tupufia 

Faaliliu e Seagaitumua Tupuola

 

Ua le agava’a le Minisita Muamua o le Kapeneta o Le Tagaloa Dr. Pita Alailima e tauva i le Faiga-Palota Lautele i le Aso Faraile o le a sau nei.O le faaiuga lea a le Faamasinoga Sili ananafi e tusa ai ma se talosaga lu’itau e faasaga i le agavaa na faaulu e le Faipule mo Palauli Le Falefa o loo i ai nei- o Faumuina Tiatia Liuga. 

O Faumuina, lea sa fai ma ona sui le loia o Alalatoa Rosella Papalii, na finauina e faapea e le agavaa Le Tagaloa talu ai na te le’i mafai ona tuuina atu se tautua i lona nuu o Sili e pei ona aiaia manino e le tulafono.

O le faaiuga a le Alii Faamasino o Lesatele Rapi Vaai –na talia ai le talosaga a Faumuina. Fai mai a ia o mafuaga o le a tuuina atu i itu auai o le faamasinoga i se faiga tusitusia. I fafo ane o le Fale Famasino, fai mai Le Tagaloa lea sa fai ma ona sui le loia, o Sarona Ponifasio, na te toe talosagaina le toe iloiloina o  lea mataupu.

“O le faaiuga e faailoga tagata ma e faataute’e i aganuu ma faiga masani a lo’u nuu ma isi nuu ia atonu e tutusa,” o le faaaliga lea a Le Tagaloa.

 “O le a ‘ou faia se tagi faale-tulafono ma apili le mana’oga tau monotaga talu ai -e faailoga tagata ma e le talafeagai ma le faavae. Ua le tusa ai ma agaifanua ma faiga masani a lo’u nuu…ma o lea tulafono ua faamalosia ai lo’u nuu e faasaga tau i ana aganuu masani, ma faamalosia ai Tama-a-Aiga ma Pāpā e tuuina atu ni monotaga.” Na toe ta’ua e Le Tagaloa lona tauva ai i faiga-palota ua mavae.

Sa ‘ou agavaa i lena taimi ae o lea ua latou fai mai ou te pepelo,” o lana faaaliga lea.  “Fai mai le Faavae ia faafoe le malo o Samoa e tusa ai ma ana aganuu ma faiga faa-Kerisiano.” Na ia toe ta’ua e faapea o le teuteuga i le Tulafono o Faiga-Palota e aofia ai monotaga na pasia i le ono masina talu ai ma ua matua una’ia e faiga faa-polokiki. “Ua le talafeagai ai ma le faavae ma ua ‘ou nofo sauni e tuuina atu lenei mataupu i le Faamasinoga Tau Aia Tatau a Tagata ma le Faamasinoga

© Samoa Observer 2016

Developed by Samoa Observer in Apia