TA’UTINOGA A SAGATO AOKUSITINO-OLA FAATA’ITA’I IA KERISO

28 February 2016, 12:00AM

- Confessions of St. Augustine-Immitation of Christ.

Tapena ma Tuufaatasi e Fuimaono Na’oia Faasavalu Touli F. Tupua mo le Samoa Observer. 

 

PE FAAPEFEA ONA TUUINA ATU E LE TAGATA UA PAGATIA O IA I AAO O LE ATUA.

Lo’u Alii e , le Tama Paia e-ia viia Lau Afio nei e o’o I le faavavau-aua o le mea e te finagalo ai-e ao ona fai-ma o le mea e te faia-o le mea lelei lea. Ia e tu’u mai lau auauna ia olioli i lau Afio, ae le o ia lava, poo se tasi lava talu ai- ua na o Lau Afio lava le fiafia moni-o lau Afio o lo’u faamoemoe ma lo’u paleali’i.

O lau Afio o lo’u olioli lea ma lo’u mamalu le Alii e. O le a ‘ea se mea ua le maua e lau auauna mai lau Afio-tusa lava pe aunoa ma se auala e tatau ai ona ia maua? O loo i lau Afioga mea uma ua e tuuina mai ma ua e faia.

Ua na o a’u o se tagata mativa ma le pagatia talu mai lo’u tamaitiiti-ma ua faanoanoa lo’u agaga ma maligi loimata-talu ai puapuaga ua o’o mai ia te a’u.

Ou te mo’omo’o  i le fiafia o lou filemu, aua o le filemu o lau fanau ou te mana’omia. Afai e te liligi mai ia te a’u lou filemu e ala i le fiafia pa’ia-o le a tumu le agaga o Lau Auaunaga i pesega ma le faamanu e ala i ou viiga.

28 February 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>