O le ola tausi aiga

By Aruna Lolani 29 March 2017, 12:00AM

O le maua ai le fa’atalatalanoaga ma le tupulaga talavou ia Koui Siliuga o Eva le aso ananafi sa ia fa’ailoa mai ai le Fofoga o Samoa le faigata le tausi aiga. 

“O le taimi nei o lo’o fia maua lava se galuega e tausi ai si o matou aiga. 

“Aua o le maumaga lava o lo’o tua iai le mativa. O lana lea tala e Fofoga o Samoa. 

“O si o matou aiga e fa’amoemoe lava le maumaga e maua ai le alagatupe, a le fa’atau le maketi e fa’atau lava luma si o matou fale. 

“O nisi foi o taimi a leai se meamata le maumaga ia o le tali lava o le sami, fagoata le gataifale e maua ai se isi seleni e tausi ai le aiga. 

Sa taua e Kovi o le galuega lava le tali mautū.

“O le taimi nei o lo’o o’u mafaufau lava e su’e se galuega aua ou te ta’utino atu ua taugata le soifuaga, e le fa’amoemoe tele foi i le maumaga aua e iai lava le taimi e leai ai se mea tõtõ ona mana’omia lea se alagatupe. 

“O le isi foi itū o lo’o tau su’e ai se galuega ona o le leai se tasi o le matou aiga e faigaluega, ae ua tele lava mea fai totonu le nu’u o totonu le ekalesia ae le gata lava i lea o fa’alavelave tau aiga. 

“Pei na tou silasila mai o lea toa tau mai sa fai foi nisi o galuega gauta le maumaga, e tuua lava le aiga taeao põ aua e manaia lava le malu le taeao le galue. 

Sa fesiligia Koui i tulaga tau sauvai ma le eletise o lo’o lelei mea uma ae pei lava o le seleni le fa’afitauli, ona o le le lava o le fa’asoa ma le taugata le soifuaga. 

“Pei na fai atu le taimi ua sola, o le maumaga o le ola lea si o matou aiga, e fa’amoemoe mea uma i le galue malosi e atia’e le maumaga aua a leai se talo e fa’atau e leai se tupe mo le aiga. 

“O le ala foi lea o lo’o su’esu’e ai se galuega e faigaluega ai ona o le tulaga lava le ausage le aiga ma le fia maua se alagatupe mautū.

“Pei foi na silafia, o le galuega o le tupe mautū, e faigaluega lava ma le mautinoa o lo’o maua le tupe i le aso totogi, ae o le maumaga e umi lava se taimi. 

“Pau lava le itū o lo’o tatalo ia maua sina galuega e fesaosaoni ai le faiga o le fatu aigatausi. 

By Aruna Lolani 29 March 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>