Fa’aoga tatau le avanoa e maua ai le seleni

By Aruna Lolani 29 June 2017, 12:00AM

O nisi o tagata i Samoa nei o lo’o pisi lava ma moemiti i le fauina o latou fale tetele o nisi ma mana’ona’o i tulaga fa’apena peitai o Tele’a pau lava le tulaga o lo’o mafaufau iai o le saili se seleni aua si ana fanau. 

Sa maua le fa’atalatalanoaga o lo’o savali solo le taulaga o Apia e fa’atau ana salu. Ia o le fa’amoemoe lava ia ina ia mafai ona maua mai le seleni mo le fanau. 

“O a’u sa ou faigaluega muamua peitai ua fai lava sina le fetaui lelei o le malosi ma le seleni maua mai. Ia o le ala foi le o lou tagatagaa’i mai ua amo mai salu e fa’atau, aua ou te talitonu lava a’u ai ao le tupe vave ma e malie ai foi lota loto. 

“Ia e 10 le tau o le salu e tasi ia a uma nei foi salu nei ia ua maua le $70 ia aua lava meaai  le fanau ia ma se tupe teu a mama’i tamati o lo’o mafai ona ave le falema’i. 

 “Ia o le fanau lava le mafuaaga o le galue malosi, aua lava se tupe o lea aso ma lea aso. 

 “O le taimi nei ua pau uma mai le mamafa o le fanau ma  aiga ia te a’u nei le tamā ma ua avea lea ma tulaga ua ou savali ai le auala e fa’atau le salu. 

O Tele’a e  to’atolu le fanau aoga .

“E pei o le tupe lava le fa’afitauli o lo’o ia nei, peitai e le’o se tulaga o le a itagia ai le olaga lenei tau te ola ai. 

“O le auala lava ina ia mafai ona tulei ai ma lu’itauina ai tatou ina ia galue malosi mo lumana’I o aiga, nu’u ma ekalesia. 

“Aua e le nofonofo se isi ona maua fua se manuia, a le galue e leai lava se mea aoga e maua. 

“O le ala foi lea o le galue malosi o a’u o le tinā le aiga ina ia mafai ona fa’alagolago mai si a’u fanau ma lo’u to’alua ia te a’u. 

“O le galue lava ma le malosi aua o lo’o alualu lava I luma le taugata le soifuaga ma faigata ai mea uma. 

“Aua o nei mea o salu sa leai lava se isi e ano ai ia aso. Peitai ua aoga tele mo seleni lenei vaitau.. 

“O le tele lava o tagata ua ola fia palaga ia o le avanoa lelei lava lea mo tatou e galulue ai e fa’atau atu tatou oloa mo i latou e mana’omia ae mo le tupe mo tatou.

By Aruna Lolani 29 June 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>