Manuia le ulugali’i fou Johan ma Franzine!
O le Aso To’ona’i na fa’apa’ia ai Johan Paepaega Fagasua ma lana manamea i a Frazine Maryann Ah Ben e avea ma tino e tasi.
O le sauniga o lo la’ua aso fiafia na faia lea i le Malumalu o le Imakulata i Mulivai ae o le ‘aiga sa faia i le St Therese i Le’auva’a.
O le afioga Patele Fereti na ia ta’ita’ia le sauniga.
O Franzine o le alo e fa’asino i a Clementina ma Anton Ah Ben o Moamoa ma Lalovaea ae o le ali’i o Johan Paepaega Fagasua o le lona lua o alo e to’atolu o le Fa’afegaiga i a Muao Fagasua ma le faletua i a Tauvela o le E.F.K.S. i Vaitele-Uta, Fasito’o-Tai ma Fasito’o-Uta.