Tekonolosi ma ona suiga

By Ilia L Likou 29 October 2017, 12:00AM

I  le maua ai o le fa’atalatalanoaga a le Fofoga o Samoa ma Junior Leiuni o Matautu Falelatai ananafi na ia fa’ailoa ai le tele o ‘a’afiaga ua i ai nei Samoa ona o tekonolosi fa’aonaponei.

“E pei o lea lava le tulaga e pei ona ou iloa ai e a’u ia, ma ua fai lava sina saosaoa i le taimi lenei, ma o le itu e ao ona silafia e ao ina o tatou pipi’i atu ai nei suiga."

“Aua e le toe i ai lava se isi faiga e mafai ona fai ai, pe a tatou va’ai atu ai le tulaga e pei ona ua i ai nei."

Na ia ta’ua e ao lava i tagata ona silasila toto’a fo’i i fanau i le fa’aaogaina ai o nei vaega uma.

“Ia e pei o lea lava le faigata ua i ai nei, e pei e mafuli lava i le tulaga fo’i lea o le le toe mafai ai lea ona toe aveese mai."

“O le to’atele lava o tamaiti ua matua’i le mafai ona toe fa’atino ina nisi o vaega ona o le manatu lava lea o lo’o ua i ai nei o suiga ua lolofi mai."

“Ia e le leaga telefoni ma isi vaega ae ao lava ona fa’aaoga ma le tatau."

Na ia fa’ailoa o le to’atele ua fa’apea ona galo le fa’atino ina o latou tiute i fanau ina ia o ese mai le fa’aaogaina o vaega nei.

“Ia ua fai lava le fiafia o le tagata lava ia, ua le gata i lea o le mafaufau fo’i lea e aoga i aoga a le fanau i nisi o taimi."

“E ta’u ma ma atu lava ia e le taitai ona aoga pe afai e fa’asa’oloto ai lava tamaiti, aua e pei o vaega fo’i nei ua mapu atu ai matua."

“I le fa’atinoina o latou tiute fai mai lea aso i lea aso, ma o se itu fa’anoanoa tele lea i lo’u iloa i ai."

“E ao lava ona fa’atino ina mea uma ma le tatau aemaise o le saogalemu o fanau ma tupulaga talavou."

“E manaia ai lava le fa’amalosia o tulafono fa’alemalo mo le fa’atinoina o vaega nei."

By Ilia L Likou 29 October 2017, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>