Faamasino Fou o le Faamasinoga Sili

By Pai Mulitalo Ale 30 April 2016, 12:00AM

O le Ao o le Malo, Lana Afioga Mamalu Tui Atua Tupua Tamasese Efi, o le a na faatinoina le tautoga a se Faamasino aupito i fou o le Faamasinoga Sili-o le Tamaita’i Faamasino o Tafaoimalo Leilani Tuala-Warren, lea na avea ma Faamasino Tamaitai o Samoa lona lua-o le Faamasinoga Sili, lea o le a faatautoina e le Ao o le Malo i lona maota i Tuaefu-i lenei taeao.

O lea tofiga na faamaonia e le Ofisa Sili o Pulega o le Matagaluega o Faamasinoga ma Pulega Tau Faamasinoga, o Papalii John Taimalelagi, ananafi. O le Faamasino o Tafaoimalo o le a amata faatino ana galuega i totonu o le Faamasinoga Sili i se taimi vave mulimuli ane ai.

Na auai le Faamasino o Tafaoimalo i galuega Tau Faamasinoga ia Aokuso 2013 ina ua faatauto o ia e avea ma Faamasino o le Faamasinoga Faa-Itumalo. O lea Tamaita’i-o lona lua ai lea o tama’ita’i ua tofia e avea ma Faamasino mo le Faamasioga a Samoa ina ua mae’a le tofia o le Faamasino Mata Tuatagaloa ia Mati 2011.

O le Faamasino o Tafaoimalo o le Faamasino autu lea mo le Faamasinoga Tau Aiga ma le Faamasinoga o Sauaga i Aiga.

O loo umia e lea Tamaitai se faailoga poo se tikeri o le “Bachelor of Economics mai le Iunivesite o Sini, se faailoga o le “Bachelor of Laws ma se “Masters in Law mai le Iunivesite o Waikato..Sa avea o ia ma faia’oga i le Iunivesite o Waikato mo ni nai tausaga a’o le’i toe taliu mai o ia i Samoa ma galue i le kamupani loia a lona tuagane o le “Tuala ma ‘Tuala

O le Tamaitai Faamasino o Tafaoimalo-na muamua tofia e taiulu i le Komisi o le Toe Fuata’ina o Tulafono a Samoa i le 2008. O lea Tama’ita’i o le alo o Tuala Misi Tuala ua tuumalo ma Aruna Tuala.

By Pai Mulitalo Ale 30 April 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>