Man’aomia se fesoasoani i se tane vai
Na fa’aalia e se tama i le Fofoga Samoa, Tapuali’i Folafolaga, 42 le matua ole soifua mai le nu’u o Salelesi, le faigata o le leai o se suavai maua mo ia ma lona aiga.
O le aiga o Tapuali’i e fa’amoemoe i latou mo le suavai mai le aiga i le a’ai.
“Ua fai lava sina umi o matou nonofo i lenei itu ma o se fa’afitauli lava lea sa matou feagai ai mai la aso,” o lona manatu fa’aalia lea ile Fofoga Samoa ile aso ananafi.
“O le taimi nei ia o lo’o mana’omia pea e matou se tane vai aua e pei ole aiga i le nu’u i tai le tele na aumai ai a matou vai. Ia vagana lava pe’a timu ia fa’ato’a maua fo’i lea o vai a matou a ia.
“O le matou fanua e tau Salelesi ae o eleele o Saoluafaa o lo’o matou nonofo ai nei. O le ala foi lea o le faigata na faia se faufauga ona o lea le itu.
“Ua talosaga fa’afia lava ae e tumau lava le tali “Onosai o lo’o fa’asolo atu”
“O lea la ou te aioi atu ai ma le loto maualalo, po’o ai lava se tasi e mafai ona fesoasoani mai lenei mataupu.”
O lo’o mana’omia lava e lenei tama se suavai.
“Ou te tautino atu, e le’o se mea faigofie le aumai ina o vai ma isi nofoaga i aso uma.
“Ou te iloa lelei foi e leai lava se galuega alofa le malo o faia, e leai lava se uiga.
“Ana iai lava se isi fanua e ese mai le matou fanua e matou te sifi ai aua lava se vai, peitai e na’o le paua lava lenei o le fanau.
“O le itu foi le tau fa’aaoogaina loe fanau e fai lava sina faigata o le tele o taimi e leai se tupe.
“O le sami lava ma le eleele e tua iai, o le isi itu e leai lava se tasi o maua e faigaluega, e maua ai se ala gatupe tumau.
“E to’afitu si a’u fanau ma e aooga uma, o i latou nei o lo’o taumafai ai lava e saili se tupe mo lo latou lumana’i manuia.
O se tasi e fia fesoasoani le tama fa’afeso’otai le numera 7286496