Manatu O Le Fa’atonu - O le tuliloaina o le amiotonu

By Mata'afa Keni Lesa 30 June 2016, 12:00AM

O se manatu lenei. O nei tala uma e uiga i le amiotonu ma le valaau a le Palemia o Tuilaepa mo se Komisi Su’esu’e i Alii Faamasino o le Faamasinoga o Fanua ma Suaga ua vave faamanatu mai ai ia i matou mea na tutupu i se taimi e le’i mamao atu ua mavae. Matou te fia talanoa atu e uiga i nei mea na tutupu talu ai-o le faagasolo i luma, lesona ma mea sese o aso ua mavae-e le mafai ona fulitua i ai. 

I le taimi nei la ma nai tausaga ua mavae atu, sa matou fai atu e faapea afai o le tuliloaina o le mea moni ma e leai lava se isi mea se’ia vagana ai le mea moni-e fua lea i le umi o suesuega e uiga i tuuaiga tau faiga pi’opi’o i Tafa’igata-ona soso’o ai lea ma le Komesina o Leoleo, o Lilomaiava Fou Taioalo lea ua maliu, e tatau la ona matou tauaao atu i lenei faigamalo.. E le gata ina aliali mai e faapea na latou o ma le atoa e ala i le latou taumafaiga mo le amiotonu, ae sa le mafai foi ona latou taofia le faaaluina o le faitau afe ma afe  o tupe o le afu maligi o tagata totogi lafoga-ona o le tuliloaina lava o le mea e igoa o le mea moni.

Ae faapefea la Komisi Su’esu’e e lua, le faate’aina o le Komesina ae maua lava lona totogi atoa ma faamanuiaga mo le toetoe lava atoa le tausaga; ma le faate’aina mulimuli o ia, o le mea moni ua faatulaga ai mea faamuamua. Ma –ia ‘aua nei galo ia i tatou e faapea sa i ai foi se Komesina Lagolago lea sa faamalolŏ ae maua lava ana faamanuiaga uma se’ia o’o i le taimi na tonu ai ia te ia o le a faamavae. 

Poo le a lava le tau, sa le popona i ai le malo i lena taimi. Sa matou fai atu i lena taimi o le mea moni ua faatulaga ai se faiga e saili ai le mea moni, o le matua o’o lea i le ta’ele o ia lapisi ma matua faamama atoa. O se atiina a’e uiga ese lea. O se mea lea sa matou manatu sa tatau ona fai i le amata o mea lelei e mulimuli mai.

Ia manatua foi, tatou te le talitonu ‘ea e na o le mea moni e mafai ona faasa’olotoina i tatou? 

Ae peita’i, sa i ai se tulaga faaletonu tama’ita’i e ma alii, se tulaga e faaletonu ai le mafaufau ma o loo tumau pea. Ana faasaoina la e le malo i lena taimi le leai o ni tupe alu i le tuliloaina o le mea moni ona o amioga a se tagata e to’atasi, aisea na ia le faatinoina ai e ia lea lava faiga ma le agalelei i tuuaiga faapea tau faiga pi’opi’o, pulega leaga ma taupulepulega leaga i isi nofoaga?

I tausaga ua mavae atu, o mataupu tau faiga pi’opi’o, faaaoga sese o le paoa ma pulega leaga-sa filo i isi mataupu-sa vave ona tula’i mai i luga o itulau o lenei nusipepa. O tala ia o faiga pi’opi’o uiga ese ia na tulai mai ma ua le mafai ona taofia i le salafa atoa o galuega a le malo-ia e le’i faia lava i ai se fuafua talafeagai faatasi ai ma le mantu e faaitiitia ai, pe afai e le mafai ona matua taofia ai loa.. Fai la ma faata’ita’iga mataupu na lagā e le Pule ma Su’etusi Sili o Fuimaono Camillo Afele, i totonu o lana lipoti i le Palemene mo vaitaimi na faai’uina  i le aso 30 o Iuni 2010 ma le aso 30 o Iuni 2011.  O le lipoti a Fuimaono na faaalia ai tuuaiga tau faiga pi’opi’o ua matua le mafai ona taofia-ia na tulai mai totonu o nisi o faalapotopotoga a le malo i le tele o tausaga.

O lea lipoti na tuuina atu i le Komiti a Alii Ofisa o le Palemene (O.P.C.),  lea sa ta’ita’ifono ai le Minisita Lagolago i lena taimi o Papalii Niko Lee Hang-ina ia suesu’eina. I le faaiuga, sa latou lagolagoina ma faamaonia le tele o tuuaiga na lagā e le Pule ma Su’etusi Sili o Fuimaono.

.Mo se faata’ita’iga, sa faaalia e Papalii le faata’ita’iga  o “faiga pi’opi’o e faaaoga sese ai tupe a le malo” e aofia ai se tasi o tagata fai konekarate ma le faiga sa totogi atu ai ia tupe.

”O lea ua ia te a’u le konekarate. O le totogiina o tupe e manino mai sa soli ai nisi o taualumaga, mo se faata’ita’iga, o le lafoga e taofi,” sa faamalamalama e Papalii i lea taimi.”Fai mai Papalii-o le 10 pasene e taofi, lea sa tatau ona taofi se’ia uma le 12 masina, sa le aloa’ia. “(O le faamoemoe e faapea) afai e i ai soo se faaletonu i le fausia o le fale, o lea tupe o le a faaaoga mo i latou ae peitai (i lenei mataupu) sa tatala atu i tua lea tupe taofi, na saini e le Minisita ae le’i ma’ea le galuega ma (o le faia o lea tulaga) ua soli ai le feagaiga e faapea o lea tupe taofiofi e tatau ona taofia mo le 12 masina.”

Sa faamalamalama e Papalii e faapea  o le “mea e sili ona leaga” ole faamaoniga mo le tuuina atu o le tupe taofiofi-sa fai “i le faaaogaina o se inisiua tau faasese” e avea “ma puipuiga malu mo tupe na faamatuu atu.” “E faapea i totonu o la matou lipoti ma o loo ia i matou faamaumauga,” o lana faaaliga lea. “O le sainia e le Minisita o le tusi i le Ofisa Sili o Pulega, e faailoa atu ai le talosaga a le kamupani, faatasi ai ma lelatou tuuina atu o se pepa inisiua tau faasese-ae i totonu o le konekarate, e tatau ona avea ma inisiua o loo faatino lea latou te le’i totogiina se mea e tasi.”

 “Ma o le konekarate e masani lava ona fai mai e faapea o le feagaiga tau le malu puipuia o le faatinoina o le galuega, afai e le o faatinoina ma tuuina atu i le pule i luma mai o le aso fuafuaina, o lona uiga ua avanoa le pule e faamuta le konekarate.” Fai mai Papalii o lea konekarate sa tatau ona faamutaina.

“O le mea lea ou te fai atu ai e faasino i le taofia e faapea-ua le gata ina latou soli (tuutuuga)  e ala i le faamatu’u atu o tupe taofiofi, 10 pasene o le tau atoa o le konekarate, ae le’i mae’a ona fau le fale, na latou faaaogaina foi se pepa inisiua tau faasese e maua ai tupe ua uma ona n atuu.atu.” 

Sa faailoa mai e Papalii ni mataupu se lua i lea taimi. Muamua, fai mai a ia sa soli le “maliega,” lea e fai mai e tatau ona e taofia totogi taofiofi se’ia uma le 12 masina talu ona mae’a le galuega ona faatoa tatala ai lea ma 10 pasene o tupe taofiofi.” “Ma a fua i le tuuina mai e le konekarate o se pepa inisiua pepelo...i le tuuina mai o se faamaoniga tau inisiua o le ofo-o le matua tau faasese lava-talu ai latou te le’i totogiina soo se tupe i ai.” Ua na o se mea lava ina ia mafai ai ona tatala le taofiga, na latou tuuin atu lea puipuiga malu lea ou te mautinoa-na malamalama lelei le Minisita ma le Ofisa Sili o Pulega e le o se inisiua moni. “I le taimi nei o lea ua uma le fale, ae o loo i ai se lifi e le o mafai ona faaaoga, ma o le autu lea o le isi mataupu lea sa le lelei ona faafoeina talu ai –i totonu o le konekarate muamua, o le ofo na aofia i totonu o le tau na ia ofo mai o le lifi (mo) $180,00.”

O le pogai lea na tuuina atu ai le galuega i lenei konekarate tusa lava poo a nisi mea. Sa i ai le isi konekarate na ofo mai ae itiiti ifo i le 200K

.”Ae talu ai ona o lenei konekarate na ia ofo maia foi se lifi ma le ofo e $200,000 e sili atu ai, o lea na tuu sa’o atu ai e le Minisita se tusi i  le Kapeneta.” “O a’u le Taitaifono o le Komiti o Tauofoga, ma na ‘ou iloa lelei.” I le toe tepa i tua, i le taimi nei, ua ‘ou malamalama i le pogai na ia una’ia ai tauofoga o le nofoaga autu ona o le taimi…ua latalata i le faiga-palota.” “Ma a toe tilotilo i tua, e mafai ona ‘ou malamalama  i le taimi ne ii le pogai na ia tuuina mai ai lana tusi e avea ma mataupu faanatinati –o lea e tafau ai i le Kapeneta ona faamaonia ina ia vave ai ona faamae’a vave le galuega.” “Ae peitai-o galuega uma na fai sa le tusa ai ma aiaiga poo tuutuuga o le maliega.

Fai mai Papali’i o ia ma le O.P.C o loo i ai faamatalaga molimau e lagolago ai a latou tuuaiga. “E mafai ona ‘ou fai atu , o faiga pi’opi’o uma lava. O le pogai lea ua ‘ou fai atu ai-na latou taupulepule ma le MInisita, Ofisa Sili o Pulega ma le tagata e ou le konekarate ina ia faaaoga sese tupe a le malo.” “O loo ia te a’u iinei mea na saini e le Minisita-ua sauni uma mo  le Faamasinoga pe a manaomia,” o lana faaaliga lea. “E mafai ona ‘ou fai atu i se tulaga saogalemu e faapea o taupulepulega lela ina ia faaaoga sese tupe a le malo –ua uma onafai.”

O le mea la e soso’o ai-o ai o loo suesueina ae o ai o loo faagalo? O tuuaiga a ai “tau faiga pi’opi’o e manaomia ai  se tusi e faate’a ai, suesuega umi ae mulimuli ane faate’a ma o faiga pi’opi’o a ai e tauia ma malu pouipuia? Ona soso ai lea ma le fesili pe o ai o loo suesueina ae o ai o faagalo??

Ou te faamanatu au iinei e faapea o le sa avea muamua ma Komesina o Leoleo tatou te le o toe mafuta. O sia tamalii na matua olopalaina, ma nuti lili’i ma na maliu mulimuli ane ai ae o loo tatali pea le faamasinoga na ia faauluina e faasaga i le malo mo le faate’aina o ia e le talafeagai ai sa tatali. E ono faapea tatou te le toe mafaia lava ona faalogoina le mea moni  poo le a tonu lava le mea na tupu. I lenei aso, o loo tuuaia e le malo Alii Faamasino o le Faamasinoga o Fanua ma Suaga faatasi ai ma se valaau mo se Suesuega. Manaia. Fai le mea e tatau ona e faia.

Ae peitai, o fea o i ai le tulaga faatumauina pe a pa’ia lenei faigamalo ma lana taumafaiga e tuliloa le amiotonu? O fea tagata faigaluega o le malo e noatia mo suesuega, mata’ituina ae faate’a mulimuli ane ma o ai o le a faataga ona sao ai mai le soli o le tulafono ma tauia? E le tatau ‘ea ona tutusa tagata uma i lalo o le tulafono? Poo e i ai ni tagata e i luga atu o le tulafono i totonu o Samoa?

By Mata'afa Keni Lesa 30 June 2016, 12:00AM
Samoa Observer

Upgrade to Premium

Subscribe to
Samoa Observer Online

Enjoy unlimited access to all our articles on any device + free trial to e-Edition. You can cancel anytime.

>